Popular Bible Verses from JUAN 6

Share

Ni Jesus kinunana cadacuada; Siac ti tinapay ti biag: ti umay caniac, saanto nga agbisin; ket ti mamati caniac, uray caano saanto a mawaw.

Ti espiritu ti mangted iti biag; ti lasag awan ti maitedna: dagiti sao nga insaoc cadacayo, espirituda ken biag.

Agtrabajocayo, saan a gapu ti taraon a mapucaw, no di ket gapu iti taraon a mataginayon a maipaay iti biag nga agnanayon, nga itedto cadacayo ti Anac ti tao: ta isu pinanecnecan ti Ama a Dios.

Ta daytoy ti pagayatan ni Amac: Nga tunggal maysa a macakita iti Anac ket mamati kencuana, adda coma biagna nga agnanayon: ket isu pagungarecto iti camaudianan nga aldaw.

Simmungbat ni Jesus ket kinunana cadacuada: Daytoy ti aramid ti Dios mamaticayo iti daydiay nga imbaonna.

Isu-amin nga ited caniac ni Ama, umayto caniac; ket ti umay caniac, diacto pagtalawen.

Ket simmungbat kencuana ni Simon Pedro: Apo, asinonto ti papananmi? Sica addaanca cadagiti sao ti biag nga agnanayon.

Siac ti tinapay a sibibiag a bimmaba nanipud langit: no adda mangan itoy a tinapay, agbiagto nga agnanayon, ket ti tinapay nga itdecto, a pacabiagan ti lubong isu ti lasagco.

Awan ti tao a macabalin nga umay caniac, no saan a guyuguyen ni Ama a nangibaon caniac, ket isu pagungarecto iti camaudianan nga aldaw.

Ta ti tinapay ti Dios isu dayta bumaba manipud langit ket mangted ti biag iti lubong.

Siac ti tinapay ti biag.

Ni Jesus ngarud innalana dagiti tinapay, ket idi nalpas a nagyaman, binununganna dagidi situtugaw; ket casta met cadagidi ic-ican iti cas caadu ti kinayatda. Ket idi napnecdan, kinunana cadagiti adalanna: Urnungenyo dagiti pispisi a natda tapno awan ti mapucaw.

Idi nacapaggaodda ngarud, ti cas la lima wenno pito a kilometro, makitada ni Jesus a magmagna iti rabaw ti baybay, ket umasideg iti barangay: ket nagbutengda. Ngem isu cunana cadacuada: Siac; dicay agbuteng.