Popular Bible Verses from LUCAS 14

Share

No asinoman a tao ti umay caniac, ket dina guraen ni amana, ken ni inana, ken ni asawana ken dagiti annacna, ken dagiti cacabsatna a lallaki ken babbai, ken ti biagna met laeng, saan a macapagbalin nga adalac.

Uray siasino nga umay sumurot caniac ken dina baclayen ti cruzna saan a macapagbalin nga adalac.

Ta amin a mangitan-octo iti bagina, maipababanto; ket ti agpacumbaba, maitan-octo.

No casta ngarud, uray siasino cadacayo a dina paglicudan dagiti isu-amin a cucuana saan a macapagbalin nga adalac.

Ta asino cadacayo ti, idinto a cayatna ti mangbangon ti maysa a torre, di agpanunot nga umuna cadagiti masapul a gastoen ta kitaenna no adda umanay a pangleppas? Di la ket ta inton naicabilnan ti cimiento ket saana a mabalin a leppasenen, amin dagiti macakita rugianda nga uyuyungan. A cuncuna: Daytoy a tao nangrugi a nangbangon ket dina nabalin a lineppas.

Ngem no agaramidca ti daya, ayabam dagiti napanglaw, dagiti pawad, dagiti pilay, dagiti bulsec: Ket nagasatcanto: ta awan ti maisupapacda kenca; ta magonggonaancanto inton panagungar dagiti nalinteg.

Nasayaat ti asin; ngem no ti asin tumamnay, anianto ti pagtempla? Awanen ti pagpaayanna, uray iti daga ken uray iti pagibel-lengan ti pagpataba; ngem ibel-lengda iti ruar. Ti adda pagdengngegna dumngeg coma.