Popular Bible Verses from LUCAS 16

Share

Ti mapagtalcan iti bassit unay, mapagtalcan met iti adu; ket ti nakil-lo iti bassit unay nakil-lo met iti adu.

Awan ti adipen a macabalin nga agservi iti dua nga apo: ta wenno guraennanto ti maysa ket ayatennanto ti sabali, wenno makidecketto iti maysa ket laisennanto ti sabali. Dicay mabalin ti agservi iti Dios ken cadagiti kinabacnang.

No ngarud no cadagiti kinabacnang a saan a pudno dicayo napagtalcan, asinonto ti mangitalec cadacayo cadagiti napudno? Ket no iti cucua ti sabali dicay napagtalcan, asinonto ti mangted cadacayo iti cucuayo?

Ngem kinunana kencuana: No dida denggen ni Moises ken dagiti mammadto, didanto met mamati no adda maysa nga agungar cadagiti natay.

Ti tunggal maysa a mangisina iti asawana a babai ket mangasawa ti sabali, macabasol iti pannakiabig iti dina asawa: ket ti mangasawa iti naisina a babai, macabasol iti pannakiabig iti dina asawa.