Popular Bible Verses from JEREMIAS 6

Share

Ganito ang sabi ng PANGINOON: “Tumayo kayo sa mga daan at tumingin, at ipagtanong ninyo ang mga sinaunang landas, kung saan naroon ang mabuting daan; at lumakad kayo roon, at kayo'y makakatagpo ng kapahingahan para sa inyong mga kaluluwa. Ngunit kanilang sinabi, ‘Hindi kami lalakad doon.’

Kanilang pinagaling nang bahagya ang sugat ng aking bayan, na sinasabi, ‘Kapayapaan, kapayapaan’; gayong wala namang kapayapaan.

Pakinggan mo, O lupa: ako'y nagdadala ng kasamaan sa bayang ito, na bunga ng kanilang mga pakana, sapagkat sila'y hindi nakinig sa aking mga salita; at tungkol sa aking kautusan, ito'y kanilang itinakuwil.

Kanino ako magsasalita at magbibigay ng babala, upang sila'y makinig? Ang kanilang mga tainga ay nakapinid, at hindi sila makarinig: Narito, ang salita ng PANGINOON sa kanila ay kadustaan; ito'y hindi nila kinaluluguran.