Popular Bible Verses from MGA KAWIKAAN 29

Share

Ang takot sa tao ay naglalatag ng bitag, ngunit ang nagtitiwala sa PANGINOON ay maliligtas.

Kung saan walang pangitain, nagpapabaya ang taong-bayan, ngunit mapalad ang sumusunod sa kautusan.

Inihihinga ng hangal ang kanyang buong galit, ngunit ang matalino ay nagpipigil nang tahimik.

Ang pamalo at saway ay nagbibigay ng karunungan, ngunit ang batang pinababayaan, sa kanyang ina ay nagbibigay-kahihiyan.

Supilin mo ang iyong anak, at bibigyan ka niya ng kapahingahan; ang iyong puso ay bibigyan niya ng kasiyahan.

Ang kapalaluan ng tao ang sa kanya'y magpapababa, ngunit magtatamo ng karangalan ang may mapagpakumbabang diwa.

Ang taong magagalitin ay lumilikha ng away, at ang mainitin ang ulo ay sanhi ng maraming pagsuway.

Nakikita mo ba ang tao na padalus-dalos sa kanyang mga salita? May pag-asa pa ang hangal kaysa kanya.