Popular Bible Verses from MGA AWIT 84

Share

Sapagkat ang PANGINOONG Diyos ay araw at kalasag, siya'y nagbibigay ng biyaya at karangalan. Walang mabuting bagay ang ipagkakait ng PANGINOON sa mga nagsisilakad nang matuwid.

Sapagkat ang isang araw sa iyong mga bulwagan ay mabuti kaysa isang libo saanman. Nanaisin ko pang maging tanod sa pintuan sa bahay ng aking Diyos, kaysa tumahan sa mga tolda ng kasamaan.

Mapalad ang mga tao na ang mga kalakasan ay nasa iyo; na ang mga daan tungo sa Zion ay nasa kanilang puso.

Ang kaluluwa ko'y nananabik, oo, nanghihina para sa mga bulwagan ng PANGINOON; ang puso ko't laman ay umaawit sa kagalakan sa buháy na Diyos.