Popular Bible Verses from Mahendo 7

Share

Ao atʼu áenderera kumupiga mawe Sitefano, na yiye Sitefano achivoya vivi, “Bwana Jeso, riphokere roho rangu!” Chisha, achimitʼa mavindi achirira kwa laka ra dzulu achiamba, “Bwana, tsʼiatarire dambi riri.” Ariphomarigiza kugomba gago, achitoka roho.

‘Bwana Mulungu unaamba, “Mbingu ni chihi changu cha chifalume, na itsʼi ni phatʼu phangu pha kwikira magulu. Ndo mundanijengera nyumba ya chidzedze? Na hata ni lwaphi phondaoya?

Sitefano ariphogomba vivyo, atʼu osi okala a phapho, ápiga kʼululu muno, na achifimba masikiro gao. Chisha, osini achimutinira Sitefano chivimwenga, achimukuruta hata achimulavya phapho mudzini, na achanza kumupiga mawe. Ao atʼu okala álavya ushaidi ámurichira mutana aihiwaye Saulo, makoti gao agamanyirire.