Popular Bible Verses from Matayo 16

Share

Chisha, Jeso achiaamba anafunzie vivi, “Mutʼu yeyosi ahenzaye kukala mwanafunzi wangu, ni seti ariche njiraze mwenye, atsukule musalabawe, na anituwe.

Na chisha, dzinaro ni Pʼetero, nawe ninakwambira mino kukala, nindajenga kanisa rangu dzulu ya mwamba uo, na hata chifo kʼachindaidima kuririma.

Mino uwe nindakupʼa funguwo za Ufalume wa Mulungu, na rorosi rondarikahaza phapha duniani, ndiro rondakahazwa hata kuko mulunguni, na rondarihenzeza phapha duniani, bee rindahenzezwa hata kuko dzulu mulunguni nako.”

Maana, ahenzaye kutivya maishage mwenye, bee kʼandapata uzima uphya wa kare na kare. Ela alavyaye maishage kwa dzulu yangu, undapata uzima.

Na vina faida yani mutʼu kuupata utajiri wosi wa dunia, ela yiye mwenye atsʼipate uzima? Kʼaphana! Maana, kʼakuna chitʼu chiricho na maana, kuriko uzima uo.

Jeso achiauza kahiri achiaamba, “Hanga mwimwi, munaamba mino ni ani?” Simoni Pʼetero achimuudzidza vivi, “Uwe ndiwe yiye Kʼirisito, Mwana wa Mulungu ariye moyo.”

Jeso achimwamba, “Baha uwe Simoni mwana wa Jona! Maana, kumanyako kukala mimi ndimi yiye Kʼirisito, bee kwʼambirirwe ni mutʼu, hata uwe ni wafunulirwa ni Baba ariye mulunguni.