Popular Bible Verses from มา​โค 6

Share

เหว่ย หฒุ เมี่ยน ธั้ม ไห่ มี่งๆ ต้ายๆ, เย​ซู บัว เลี่ยม ไม้ ม่าย เฒี่ยง โห่ หญั่น หฮนาง. เย​ซู ฯฒฯ บั๋ว ไซ-ก๋อ, “บัว กั้น มี่ง เล่ง เญย ต๋อง, ฯฒฯ ตุ๊ ฮิด เต๋ย ขวน อ๊ะ.”

เย​ซู บั๋ว นิ่น บัว, “โต่ว หว่า เมี่ยน มี่ง เถา หาย ม่าย เมี่ยน ท่าย. ขูง กั้น เญย ป๊วน-มู้ง, กั้น เญย เธียน-เธะ เหธา เปย๊า ฒง เมี่ยน ไม้ ท่าย ฮนั้ง.”

เย​ซู ธ้วด ฑั้ง ฝาว เบี๋ยน มี่ง, ปวัด เมี่ยน ธั้ม ไห่. นิ่น ไฮ์ ค้อ-เลี่ยน ไห่ นิ่น บัว, ปวัด นิ่น บัว ฮนั้ง ปะกี ยู่ง ไม้ ม่าย เฒี้ยว โก๋ว นอ. นิ่น ฯฒฯ เจี์ย กอน หฌาว ธั้ม-หญู่ง นิ่น บัว.

เยียม วั้ว นอม ต๋อง เย​ซู ไม้ ไฮ่ โหฒว บัวะ ฮ่อง เญย สี่ อ๊ะ. ม่าย เต้า ป๊า ปุ๊ด-แป่ง เมี่ยน นิ่น มาน เจี๊ยน หฒ่อ หลง ฮนั้ง. นิ่น เก้ง บัวะ ฮ่อง ไห่ เหว่ย หฒุ น้าย เต๋ย เมี่ยน ไม้ เสียน นิ่น. เย​ซู ฯฒฯ ล์าง เจี๋ย ล์าง มี่ง ก๋อม วั้ว นอม ต๋อง หฌาว เมี่ยน.

เย​ซู ฯฒฯ เฒาะ วั้ว เต๋ย ปยา นอม ฌั้ว เหธา อี เต้า เบย์า, เธา เฮมียน หมั่ง ลู่ง, แล์ง ฒี่ง ทิน-ฮู่ง ลิ์ว, ฯฒฯ แมะ ฆอย ฌั้ว ปุน ไซ-ก๋อ ปุน ฆอย หฒวัง เมี่ยน. วั้ว เต๋ย เบย์า นิ่น หย่า ปุน ฆอย หฒวัง เมี่ยน. หฒวัง เมี่ยน ตุ๊ หญั่น เป๊ว เหฑ่ง. หญั่น เหฒ่ง วั้ว เต๋ย ฌั้ว เหธา เบย์า, ไซ-ก๋อ บัว เซียว ต้าย ตุ๊ เหฒียบ เหญ่ย ดาน ปวั๊ง.