Popular Bible Verses from IOANE, 11

Share

Ua fetalai atu Iesu ia te ia, O a‘u nei o le toe tu ma le ola; o lē faatuatua mai ia te au, e ui lava ina oti, a e ola lava ia. O tagata ola uma o e faatuatua mai ia te au, e le oti lava e oo i le faavavau; po ua e talitonu mai ea i lena mea?

Ua fetalai atu Iesu ia te ia, Pe na ou le fai atu ea ia te oe, Afai e te talitonu, ona e iloa lea o le mamalu o le Atua?

Ua tagi Iesu.

Ua faafofoga e Iesu, ona faapea lea o ia, O lenei ma‘i e le iu ina oti, a ona o le viiga o le Atua, ina ia viia ai o le Atalii o le Atua.

Ua ia fetalai atu ia upu, ona alaga lea o ia ua leo tele, Lasalo e, ina sau ia i fafo. Ona alu ai lea i fafo o le na oti, ua fusifusia ona vae ma ona lima i ie na tanuma‘i, ua fusi foi ona mata i le solosolo. Ona fetalai atu lea o Iesu ia te i latou, Tatala ia ia te ia, ina tuu atu ia e alu.

Ua toe tiga tele le finagalo o Iesu, ona oo lea o ia i le tuugamau. O le ana lea, ua tuuina foi le maa i lona gutu.

Ua fetalai atu ia upu, a e mulimuli ane ua faapea atu o ia ia te i latou. O loo moe la tatou uo o Lasalo; a e ou te alu e fafagu ia te ia.