Popular Bible Verses from IOANE, 19

Share

Ua talia le vineta e Iesu, ona fetalai ane lea o ia. Ua taunuu; ua faagaugau lona ao, ona tuuina atu lea o lona agaga.

Mulimuli ane ua silafia e Iesu ua uma ona taunuu o mea uma, ua ia fetalai ane. Ou te fia inu; ina ia taunuu ai le Tusi.

Ua silasila atu Iesu i lona tinā, ma le soo ua alofaina e ia, ua tutū mai, ona fetalai atu lea o ia i lona tinā, Sena e, faauta, o lau tama. Ua faapea atu foi i lea soo, Faauta, o lou tinā. Talu foi lea itu aso ua ave o ia e lea soo i lona aiga.

A ua oo i latou ia Iesu, ua latou iloa ua maliu lava ia, ona le gauia ai lea o ona vae; a o le tasi tagata tau ua tutu‘i lona itu i le tao; ona sisina loa mai lea o le toto ma le vai.

Auā ua faia ia mea ia taunuu ai le Tusi, E le gauia sona ivi. Ua toe faapea foi le tasi Tusi, E vaai atu i latou ia te ia na latou tu‘ia.

Ona ave lea o iesu e i latou, ua ta‘ita‘iina atu; ua ave e ia lona satauro, ua maliu atu foi i le mea e ta‘ua. O le mea o i ai le ulupoo, ua igoa i le upu Eperu, o Kolokota.

Ua taataai foi e le ‘au o laau tuitui, ua fai a‘i le pale, ua faaee i lona ao, ua faaofu foi ia te ia i le ofu pāuli.