Popular Bible Verses from LUKA, 12

Share

O lenei, ia outou nofo sauni; auā o le itu aso tou te le manatunatu ai, e sau ai le Atalii o le tagata.

A ia outou saili le malo o le Atua; ona faaopoopoina ai lea o ia mea uma ia te outou.

Ua fetalai atu foi o ia ia te i latou, Ia outou, ia leoleo outou ia te outou auā le matapeapea; auā e le ola se tasi i le tele o ana mea ua ia te ia.

Auā o le mea o i ai lo outou oa, e i ai atoa foi ma o outou loto.

O ai ea so outou ua mafai ia te ia i lona popole ona faateleina le umi o lona olaga i le kupita e tasi?

Ona fetalai atu lea o ia i ona soo, O lea ou te fai atu ai ia te outou, aua tou te popole i lo outou ola, i mea tou te aai ai, po o le tino, i mea tou te oofu ai.

A o outou lauulu lava ua faitaulia uma ia. O lena, aua tou te matatau ai; ua sili outou i manu iti e tele.

Aua e te fefe oe le lafu mamoe itiiti e; auā ua finagalo lo outou Tamā e foai mai le malo ia te outou.

Ia outou mafaufau i oreva; latou te le lulu saito, latou te le selesele foi; e leai lava so latou afeafe, po o se fale saito, a e fagaina i latou e le Atua; e le sili ea lo outou lelei, i manu?

O outou foi, aua tou te saili pe ni a tou te aai ai, ni a foi tou te inu ai; aua foi le feaveaiina o outou loto.

Afai e faapea ona faaofuina e le Atua le vao o i le fanua, o ola mai i le asō, a e lafoina a taeao i le ogāumu; e le sili ea ona faaofuina outou e ia o outou e faatuatua itiiti?

Auā e leai se mea o loo ufiufitia, e le faaalia; e leai foi se mea lilo e le faailoina.