Popular Bible Verses from RUKA 3

Share

Yiesû wana we aabaatithiirue antû bara bangî bonthe bakîbaatithua. Yiesû akîromba, îgûrû rîarugûka. Kîrundu Ûmûtheru amwîndamîîra akari ta îcea. Kayû kauma îgûrû kauga, “Woû ûrî Mwana wakwa ûra mbendeete. Nûnkenagia mûno.”

Njoana abacookeria abeera, “Niû ndîbûbaatithia na rûûyî. Îndî ûra aayîîte nyuma yakwa arî îgweta nkûrûki yakwa. Niû ningwa ntiagîrîte ûntû kinya mmûtharia ndigi cia iraatû biake. We akaabûbaatithia na Kîrundu Ûmûtheru na mwanki.

Rûthagaani mantû mara makoonanagia na mma bûkwîrira meeyia meenu. Bûtikaathûgaanieni bûgaateethua i kuuga, ‘Tiû tûrî ba rûrîîyo rwa Îburaîmu,’ n'ûntû, ga nkûbwîra, Ngai nwa atuîkithie kinya maiga ta mama aana ba Îburaîmu!

Kathoka karî akubî gûkûûra mîtî na mîri mîene. Na mûtî unthe ûra ûtaciaraga rûciaro rwega ûgaakûûrwa ûgerwe mwankiini.”

Kîroria Isaaya aandîkîîte îbukuuni rîake auga, “Kayû ka muntû igagûtûmîîria rwanda gakiugaga, ‘Theriani njîra ya Mwathani, rûngariani kûra agaakûrûkîîra! Biuro bionthe bîkaathikwa, irîma na tûrîma bikaaganaanîrua, bibuanaane na tambararî. Njîra îra nkîîgamu îkaarûngarua, tûyîra tûra tûthûûku tûkaaganaanîrua. Antû bonthe bakoona bûra Ngai akoonokania.’ ”