Popular Bible Verses from RUKA 8

Share

Na mbeû îra yagwîre mûthetuuni ûmûnoru i ngerekano ya antû bara beegagua kiugo kîa Ngai, bagakîthûkia na wendo na ûmma bakoonania maciara baûmîîrîîtie.”

Mbeû îra yagwîre matîîni ma mîîgua i ngerekano ya antû bara beegagua kiugo kîa Ngai, îndî n'ûntû bwa kwîthangîkia bagîîciiragîria mantû ma ûtûûro bûbû bwa nthîgûrû îno, kwenda ûtonga, na mîago, bikainyîka kiugo gîkathaata.

Mbeû îra yagwîre njaraani cia maiga i ngerekano ya antû bara beegagua kiugo kîa Ngai bagagîîtîgia bakeneete, îndî ûtiîgagua beerikîîtie bwega wîtîgioni. Beetîgagia kagiita gaakai, baayîîrwa i magerio, bagacooka waara akûrû.

Yiesû aûria arutwa baake, “Bûrî kû wîtîgio bwenu?” Arutwa baarigara na baaguaya. Baûrania, “Ka muntû ûyû arî ûû n'ûntû wana ruuo na rûûyî ibikûmwathîkîra?”

Mbeû îra yagwîre njîraani i ngerekano ya antû bara beegagua kiugo, îndî Saitaani akaaya akabûria kîra gîkûrî kîande nkorooni ciao batikaaye gwîtîgia boonokua.

Gîntû kîonthe kîra kiithe igîkaumbûrwa. Witho bunthe bûkaamenyekana, bwoneke cwe.

Mûka ûyu akwona akûmenyerwa, aaya akiinainaga n'ûguaya. Aagwa nthî mbere ya Yiesû. Antû bonthe bakîîgagua amwîra gîtûmi gîa kûmûtongithia na bûra oorangua nthûti îmwe. Yiesû amwîra, “Wîtîgio bwaku bûgûtûma wora. Îthi na ûkiri, mwarî wakwa.”

Arutwa baake baathi bamûûkia bamwîra, “Mwathani, Mwathani! Itûkûthira!” Yiesû aûka, aagondokera kîbuubani na makûmbî ma rûûyî, gwakirîîria.