Popular Bible Verses from MAARIKO 6

Share

N'ûntû bwa wingî bwa antû, Yiesû na arutwa baake batoona kaanya nwa ga kûrîa. Gûgûkarîka ûgu, Yiesû eera arutwa baake, “Tûthiini twinka bantû gûtarî antû, bûnogokange.”

Yiesû abeera, “Kîroria i gîîtîîye gûntû kûngî îndî gîtitîîyagwa kûra kiumîîte, kana n'antû baao, kana n'antû ba mûciî wao.”

Yiesû agûkinyûka îtarûûni eethîra kîrîndî kîînene mûno gîa antû. Akwona ûgu abeegua kîao mûno, n'ûntû oonire bakari ta ng'ondu itarî na mûrîîthi. Yiesû aanjîîria kûbarutana mantû maingî.

Yiesû ataûmba kûringa kîama kwao. Ikwaiga aigîîre antû baakai njara bara baayîîtue, abooria. Aarigara mûno i bo n'ûntû bwa kwaga wîtîgio. Yiesû aariûnga ntûûraani akîrutanaga.

Yiesû aathûkia mîgaate înu îtaano na makûyû mamu maîrî. Aacûûba îgûrû, aacookeria Ngai nkaatho. Aang'enyûranangia mîgaate akînenkagîra arutwa baake bagaîra antû. Aacooka aagaa makûyû na mo, na maagana antû bonthe. Muntû wonthe aarîa aabaa. Beethîrania mang'enyûrû ma mîgaate na ma makûyû mara maatigarire maûyûria ikaabû îkûmi na biîrî.