Popular Bible Verses from 1 Wakorint̯o 11

Share

Wakimaaḍya wakisa, kahwaa hichi chikombe dza viviḍe evyohenda d̯ura, na kamba, “Hichi chikombe cha mvinyo ni ḍamano ipfya ḍya Muungu, ḍiwekejweḍyo na mwazi wangu. Kula mwipfonainwa, inweni kunikumbuka mimi.” Yani, kula mwipfonaḍya hu mukahe na kunwa hichi chikombe cha mvinyo, mwakulalabvani kufwa kwa Ḅwana hat̯a adzepfokudza.

Koro haya ya Ḅwana anyambiiyeyo, ndiyo yangu nimuyongweezeyeyo: Ya kwamba, huḍe sikuwe wa kuḍawanywa, Ḅwana Yesu kahwaa mukahe, kamuyaviza ḍuḍa Muungu, kisa kauvunza na kamba, “Hu ni mwii wangu uyavijweo kwa dzambo ḍyenu. Uḍyeni mupate kunikumbuka.”

Kwa hivyo, muntu asidzaḍya chakuḍya cha Ḅwana ni had̯i adzipime nguzi tswee. Koro yuḍejwonse eyenaḍya chakuḍya cha Ḅwana pfasipfo kuona maana ya mwii wa Ḅwana, kakudziyeheyani hukumu jeje mwenye.

D̯ubva, yuḍejwonse eyenaḍya chakuḍya cha Ḅwana kwa njia ya kumuajaisa Ḅwana, kakuhendani nabvise ya kuutsowea mwii na mwazi wa Ḅwana.

D̯ubva nit̯aḅani mimi, dza hivi vyangu nivyokumut̯aḅani *Kirist̯o.