Popular Bible Verses from MATEO 24

Share

Eta gaiztakeria ugaltzean, gehienen maitasuna hoztu egingo da; baina azkeneraino sendo irauten duena, horixe izango da salbatua.

Mundu guztian hots egingo da Jainkoaren erregetzaren berri on hau, herri guztiek haren berri izan dezaten. Orduan etorriko da azkena.

Gerra-hots eta zurrumurruak entzungo dituzue. Begira, ez izutu, gertatu beharrekoa baita hori guztia; baina oraindik ez da azkena.

Izan ere, nazioa nazioaren kontra eta erreinua erreinuaren kontra altxatuko dira; goseteak eta lurrikarak izango dira han eta hemen. Baina hori guztia erdiminen hasiera da.

Zeru-lurrak igaroko dira, baina nire hitzak ez dira bete gabe igaroko.

Asko etorriko dira, nire izena berenganatuz eta esanez: “Ni naiz Mesias”; eta jendea franko engainatuko dute.

«Zori larrian jarriko zaituztete eta hil egingo; herri guztiek gorroto izango dizuete niregatik. Orduan, askok fedeari uko egingo diote, eta elkar saldu eta gorrotatuko dute. Anitz sasiprofeta altxatuko dira eta asko engainatuko dituzte.

Jesusek erantzun zien: «Kontuz! Ez zaitzatela inork engaina!

Prest egon, bada, zuek ere, gutxien uste duzuen orduan etorriko baita Gizonaren Semea.

Zain egon, beraz, ez baitakizue zein egunetan etorriko den zuen Jauna.

«Baina zein egunetan edo ordutan gertatuko den, ez daki inork, ez zeruko aingeruek, ez Semeak, Aitak bakarrik baizik.

Izan ere, gezurrezko mesiasak eta sasiprofetak agertuko dira eta aukeratuak berak ere, ahal balitz, engainatzeko moduko mirari handiak eta egintza harrigarriak egingo dituzte.

Noeren garaian bezala gertatuko da Gizonaren Semearen etorrerakoan. Uholdearen aurretik, jan-edanean ziharduen eta ezkondu egiten zen jendea, Noe ontzian sartu zen arte; eta ez ziren konturatu, uholdea iritsi eta denak eraman zituen arte. Gauza bera gertatuko da Gizonaren Semearen etorrerakoan ere.