Popular Bible Verses from John 3

Share

Gapu si amod un man-aayat Apudyus kan cha tagu, illidchola ossaan un alakla ta lu silu mamati kan siya, achipun misila kan Apudyus ta machusa ngim maidchen si biyeg un mallalayun.

Ti chakampun si imbuun Apudyus chi Alakla utla lubung ta kodchongala cha tagu, ngim imbuunla taplu taguwola cha tagu.

Ot kalan Jesus, “Tuttuwa allaʼn ibyegak kan sika. Lu achipun kasin miyalak chi tagu, achipun makwaʼn mipati si Mampangatan Apudyus.”

Ked lu silu mamati kan siya, achipuncha machusa. Ngim cha achipun mamati, lasisitan lakodchonganchaʼn machusa, ti achipuncha mamati si ossaan un Alak Apudyus.

Ked allaya lasun un lakodchongancha. Ummali Alak Apudyus utla lubung ta silawala somsomok cha tagu, ngim cha tagu pipioncha gikbot lu ha padcha, ti lawwik chi angwatcha.

Masapuɏʼn mipangatngatu siya ked michedchedcheɏaak.”

Ti lu silu mangwa si lawwing, sangaola padcha ya achipun umoy si padcha ti issalaʼn mipaila cha byasuɏla.

Lu silu mamati si Alak Apudyus maidchen si biyeg un mallalayun. Ngim lu silu mangissan si Alakla, achipun maidchen si biyeg un mallalayun ngim chusaon Apudyus siya ing-inggala.”

Ked isun chi langipangatuwan Moses si bulinsiʼn uɏog si pusti si lugeɏʼn lappun ummili, katchi bo makwa si Alak chi Tagu un masapuɏʼn mipangatu si krus.

Amod chi ayat Apudyus un Ama kan Jesus un Alakla ot impuɏangla cha losan kan siya.