Popular Bible Verses from Matthew 19

Share

Ngim intullong Jesus chicha ot kalala, “Lu tagu mangwa, achipunla kabyeeɏan, ngim lu si Apudyus, kabyeeɏala losan.”

Ked chakampun si chuwachaʼn long-eg ngim ossaan un long-eg. Ked lappun kalobbongan chi tagu un mampasila si lantimpuyugon Apudyus.”

Summongbyat si Jesus, “Ha achipunyu bilasa liigiliʼn ugud Apudyus un kalala si chamchamu un langwaan Apudyus si tagu, killingwala leɏaki ya byebyai. Ot kalala bo, ‘Hachi gapula un telan chi leɏaki cha amala kan ilala ked litipug kan asawala ked mambyalincha ossaan un long-eg.’

Ngim kalan Jesus kan chicha, “Palubusanyu cha aalak un umali kan sakon. Achiyu ipalit chicha, ti cha katlaʼn aalak chicha cha mipati si Mampangatan Apudyus ud langit.”

Ngim achu cha langatun tagu si sala ked mibyabyacha si umaliʼn eɏgew. Ya achu cha labyabya un tagu si sala ked mipangatucha si umaliʼn eɏgew.”

Ked lu silu malelan si byeɏoyla, susuludla, amala, ilala, cha aalakla ya cha pitala mipagapu kan sakon, maminggasut chi awatola lu cha tilelala ked maidchen si biyeg un mallalayun.

Ot kalan Jesus kan siya, “Lu piom un lappun mangkuɏangam, man-ingilaka kan cha losan un kukkuwam ked idchom chi ngilala kan cha kapus, ta langit chi manguppulam si kilabyaklanglu. Ked umalika, mitun-ud kan sakon.”

Ot kalan Jesus kan siya, “Puggey imuson kan sakon mipanggop chi bibiɏu? Ti abus si Apudyus si bibiɏu. Lu piom un makatagu kan siya si ing-inggala, masapuɏʼn patiyom cha bilinla.”

Ti lagodgochong chi lumlokan chi kameɏ si abut chi talud lu ha mipatiyan chi byaklang si mampangatan Apudyus.”

Ked ibyegak kan chikayu, lu awed leɏakiʼn mangichang si asawala malaksig lu lakachegchegas, makabyasuɏ si chegchegas lu mangasawa si sabyaliʼn byebyai.”

Oli pun kalan Jesus kan cha disipulusla, “Tuttuwa ibyegak kan chikayu, patunged kakaskun chi mipatiyan chi byaklang si mampangatan Apudyus.