Popular Bible Verses from Exode 15

Share

U nìn bí-bi yii: «Ni yaa pílifí man ni-Dindaan ni-Nimbɔtiu nín sòoǹ puee mmɔntiim, ki ŋáań tin bí deedee m-nimbiinee, ki yaa gbìl̄ m-marab ki ŋúb́ akoobil kɔkɔee, maa làá yàntī iween in m nìn dūu tɔ́ Eejipiti yab puee ń gbēē-ni. Di sá yii man di sá ni-Dindaan un cāantí-nee.»

Ti-Dindaan di sá man pɔŋŋu, úǹ ní m làá nīn gà ilan ki nyɔ́ŋkí. Úǹ di fīī-mi, úǹ di sá m-Nimbɔtiu, m làá nīn nyɔ́ŋkí-u. Úǹ di sá m-baa Nimbɔtiu, m làá yòon̄ u-yindi yilpu.

Óo ti-Dindaan, inimbɔti kansikinee, ŋma di bí kii sii? Ŋma di bí kii sii ki bí circir ki jìl̀ yéè? A sá un tūǹ atuŋkpaanee ki máaǹ inyɔŋki, a ŋáań maamaacib!

A dū a-neendi ki fōō a-nibul ki líì. A dū a-pɔŋŋu ki kpōotì-bi ki cáa cáǹ circir tiŋki kin a cúú ki síiǹ-bee.

Bi nìn bàn̄ Maara ki ká nnyim, ama kaa ŋúń ki nyùn̄-mì, kun puee mi nìn tū. An pu ní bi kíǹ ki yíì niin yii Maara, taapu di sá yii <ntuntun>. Ní samaa kɔkɔ kíĺ ki bíi wòoǹ Mooyiisi ki lì yii: «Ba ní ti làá nyɔ̀?» Ní Mooyiisi kúuǹ ki yíiń ti-Dindaan ní úǹ dàkā-u ndɔ ŋubɔ u dūu tɔ́ nnyimin ní mi mɔ́ɔkì. Niin ní ti-Dindaan nìn tīī Isirayeel yab marab nì akoobil, niin mun ní u nìn tí cɔ́ŋkì-bi.