Popular Bible Verses from Genèse 28

Share

Á béé yii m làá nīn bí a-cee, báà laakin ní a yaa bée, ki làá nīn cí-si, ní kí dāá fàtīí gíiǹní-si kitiŋ nee poon. M kpá kí fá-si kí tin cáá sāā ŋyunti ŋun m làá dāá ŋá tin kɔkɔ m tùkū-si nee kí tīī-see.»

U kpēēyee, ti-Dindaan yú ki kɔ́ĺ-u ní ki bí-u yii: «Man di sá a-Dindaan a-naanja Abraam Nimbɔtiu nì a-baa Isaaki Nimbɔtiu. Kitiŋ kin pu a dɔ̄ nee, m làá dāá dū-kì kí tīī sii nì a-naantiibi ní.

Jaakɔb fīntèe ní ki bí yii: «Tiŋman, ti-Dindaan di bí doo ní man kaa nyí.»

Ní Jaakɔb pūtì ki pōoǹ yii: «Unimbɔti, a yaa bí m-cee ki yaa bīiǹ m-boon m-saŋŋu ŋun m cá nee poon, ki yaa yāntì m ká ki jíń ki ká ki pēeǹ, ki ŋúń ki fātìi gítìń m-baa cindi nì ŋgbampɔnee, sii ti-Dindaan di dāa kíǹ ki sá man Nimbɔtiu. Ditaŋkpal din m dūu cóoǹ bí nīn téetí nee di dāa sá sii Unimbɔti diiku. Tin kɔkɔ a yaa láa tīī-mee, m làá dāá lēē saalaa kamaa pu kubɔ kubɔ kí tīī-si.»

A-naantiibi làá dāá nīn wīikí kii kitiŋ pu bulee ní. Bi dāa kpátí kí nīn cá ŋwìiń nyalaŋki pú nì ŋu-jeetilaŋki pú, kí nīn cá ŋgan pú nì ŋgiil pú. Sii nì a-naantiibi pu ní m làá dāá ŋá kitiŋ kɔkɔ nib tiŋan.

Ní ki pú niin diyindi yii Beeteel, ama bi nìn dáá yíì kitiŋ gbanti Luusi ní.>