Popular Bible Verses from Genèse 39

Share

Ti-Dindaan nìn yú Jooseefi boon ní tin kɔkɔ u ŋáańee nìn còom̄-u tiŋan. U nìn kóò u-kpiliu ueejipitijee dumpu ní.

U ká mimmee ní ki dū tikɔkɔ nì tikɔkɔ ki ŋá Jooseefi ŋaan kaa ti pée kpèé báà tiba, asee tijin tin u làá jēe baba pu ní u dàkafī. Jooseefi nìn yáà unil ní ki nìn ŋān̄ unaacimpɔɔn an kaa cáá bí lì.

Ujanjakpilee nìn dū bisarkadambi kɔkɔ ní ki ŋúbiǹ Jooseefi. Úǹ di nìn kpèé atuun ŋin kɔkɔ bi nìn tūǹee.

Ní u yāntì bi cúú Jooseefi ki cáa tɔ́ sarka laakin ubɔti nìn pìintí bin yīntiǹ-uee. Jooseefi kpántì usarkadaan. Ama ti-Dindaan nìn yú Jooseefi boon sarkan, ki dàkā-u u-ŋanti ní ki yāntì u ká diyimɔɔl ujanjakpil un kpèé bisarkadambee cee.

An dāa bāań ŋyunti ŋubɔee ní u-kpiliu nimpuu dū u-nimbiliŋ ki mántì u-pu ní ki bí-u yii: «Dāan̄ kí dòon̄ nì mi.» Ní u yíì, ní ki bí u-kpiliu nimpuu yii: «Kpèè, man ní m-kpiliu dū dicindi tundi kɔkɔ ki ŋúbiǹ. U cáá m-pu dimákal, an puee waa ti kpèé tiba dicindi poon. Ubɔ kaa jítiǹ-mi dicindi nee poon. U pú-mi nsan ḿ ŋá tikɔkɔ, asee sii baba ní maa máaǹ kí gbēē, kun puee a sá u-nimpuu. An puee maa ŋūǹ kí ŋá ikpitikpaan gbanti kí yìntīǹ Unimbɔti.»

Dalbee Jooseefi kɔ́ kudii poon ki bíi tūǹ ditundi báà ubɔ nì ubɔ kpá. Niinee ní unimpuee cúú Jooseefi bɔkutil ní ki bí-u yii: «Dòon̄ nì mi!» Ní Jooseefi sáǹ ki nyáń mmɔŋki ki yāntì u-bɔkutil unimpuee ŋaan.