Popular Bible Verses from Tuonɑ 1

Share

Ŋɑɑn yuo nbɑ k Foŋɑnm sɑɑ sik i pɑɑk, i sɑɑ lɑ yiikuo, k tɑn sii tie n siɑlɑɑdɑnm Selusɑɑlenm, nɑn Suude tinŋ kul ni, nɑn *Sɑɑmɑɑli tinŋ ni, nɑn tingbounŋ nɑ lokl kul po.»

K Yiesu yet’b ɑ: «L k lɑ’i nɑn k i bɑnn jinjɑnŋyuo nbɑ k n Bɑɑ senn yɑɑ lin tɑn tien. Ŋuɑ e mɔk u mɔnŋ yiikuo k senn l yuo.

Yosɑu yɑɑnn k u din tɑn lɑkn be nɑn’m k di jiet, k din tɑn tul’b mɔb ɑ: «I dɑɑ nyi Selusɑɑlenm, ŋɑɑn kii be kii guu piini nbɑ k n Bɑɑ senn mɔsonn ɑ u sɑɑ tul’i nɑ, mɑɑ din ponŋ yet’i lin nbɑ po nɑ. Sɑn din wuul niib nɑn nyun e, ŋɑɑn dɑɑ ŋɑnlele nɑ ni Yennu sɑɑ wuul’i Foŋɑnm ni.»

U kuun puolpo e k u din jii dɑɑ piinnɑ k wɑnt’b nɑn u set be, bɑnnu nbɑ k bilsuk kɑɑ nɑn u set jen u mɑnfuol ni wɑɑ, k b din tuu tun lɑɑt’ɔ, k u piɑk nɑn’m k jikt sɑɑ Yennu nɑɑn po.

Wɑɑ pɑk mɑɑn mɑnŋ k gbenn yuo nbɑ, k b lɑ k u do sɑnpɑɑpo, k b goli’ɔ, k sɑnpɑgbɑnn sɑɑ dɔkn u pɑɑk k u bot, k b ji k lɑ’u.

Bɑɑ lek biɑ sie k kpɑɑ b ninbinɑ k goli sɑnpɑɑpo nɑ, l tɑɑkpɑɑk ni k suɑ jɑb bɑnle sie k liɑ tɑpieni, k boi’b ɑ: «Yinm Gɑɑliile tieb, bee k i sie nnɑ k goli sɑnpɑɑpo nnɑ? Yiesu nɑ nbɑ nyii i buol ni k duo Yendɔunŋ ni biɑnŋ nbɑ nɑ, u biɑ tɑn sɑɑ nyi Yendɔunŋ mɑnŋ ni k jen sik nɑn yɑɑ goli’ɔ k u do sɑnpɑɑpo biɑnŋ nbɑ nɑ e.»