Popular Bible Verses from Sɑn 16

Share

N yien’i lin nbɑ nɑ ɑ yin lɑ mɑnu e, yɑɑ gɑɑ n pɑɑk nɑ. I tɑn sii di fɑlɑ tingbounŋ nɑ ni. Ŋɑɑn ii mɔk pɑlcienn mɑn. N nyɑnn tingbounŋ nɑ wɑɑ.»

Foŋɑnm nbɑ wɑnt bɑlmɔni nɑ, u i tɑnŋ i bɑɑl yuo nbɑ, u sɑɑ wɑnn’i bɑlmɔni kul wɑnnu wɑɑ. K mɑɑn u tɑn kii piɑk u mɔnŋ mɔnŋ po kɑɑ, ŋɑɑn u tɑn sii wɑnt’i lin nbɑ k u gbiɑ, k biɑ sii yien’i lin nbɑ tɑn sɑɑ tien nɑ.

Ŋɑɑn nɑn mɔtɑɑnɑ, i dɑɑ k mi miɑl’ɔ bonsiɑl nɑn n sɑnn ni. Ii mei’ɔ mɑn, k i sɑɑ lɑ, k ji fit lɑ pɑlpienn k sɑɑ yɑkl.»

N yien’i bɑlmɔni e, nɑn l ŋɑn i po nɑn k n yɑɑt sɑɑn, k mɑɑn mi i kii sɑɑn, sonmtuɑ nɑ kɑn bɑɑl i penŋ. Ŋɑɑn mi i tɑnŋ i sɑɑn, n sɑɑ tun’ɔ i penŋ nɑ. «U i tɑnŋ i bɑɑl yuo nbɑ, u sɑɑ wɑnn tingbounŋ nɑ ŋɑɑtieb ɑ b kpɑnn b mɔnŋ e k jiin biit po, k biɑ kpɑnn b mɔnŋ k jiin lin nbɑ ŋɑn po, k biɑ kpɑnn b mɔnŋ k jiin Yennu bɑlbunu po.

L tɑn sii tie i mun nnɑ e. Mɔtɑɑnɑ yɑɑ mɔk pɑlbiil nɑ, ŋɑɑn n biɑ tɑn sɑɑ lɑ’i wɑɑ, k i pɑlɑ tɑn sɑɑ penn bonciɑnn, k suɑ kɑɑ k tɑn sɑɑ nyinn pɑlpienn mɑnŋ i ni. «L yuo i tɑnŋ i bɑɑl, i tɑn kɑn boi’n buboit. Bɑlmɔni e k n yien’i nɑ, lin nbɑ kul k i mei n Bɑɑ nɑn n sɑnn ni, u sɑɑ tul’i wɑɑ.

Bɑlmɔni e k n yien’i nɑ, i tɑn sii fɑbn k mɔ, ŋɑɑn tingbounŋ nɑ ŋɑɑtieb ŋɑnin tɑn sii mɔk pɑlpienn e. I sii mɔk pɑlbiil, ŋɑɑn l puolpo k i pɑlbiil mɑnŋ tɑn sɑɑ tunn k tien pɑlpienn.