Popular Bible Verses from Luk 3

Share

Yuo nbɑ k Sɑn din wul niib kul Yennu nyunwulu nɑ, k Yiesu tɑn bɑɑl u buol k u wul’ɔ Yennu nyunwulu mun. Lenŋ mɑnŋ e k Yiesu din mei Yennu, k sɑnpɑɑpo tɑn luot, k Foŋɑnm sik u pɑɑk nɑn gbɑnɑnt nbɑ nɑɑn nɑn ŋmɑnn nɑ, k kunkɔl nyii sɑnpɑɑpo k yet ɑ: «Fin e tie n Bilonkɑk. Fin e k n nunm gbuo.»

L yuo mɑnŋ k Sɑn yet b kul ɑ: «Min ŋɑnin wuul’i Yennu wulu nɑn nyun e, ŋɑɑn wun nbɑ cie’n bɑɑt. N ponŋ k ŋɑn nɑn k n lot u tɑɑsɑɑŋmi. Ŋuɑ e tɑn sɑɑ jii Foŋɑnm nɑn muu k wul’i Yennu wulu.

Ii tuun mɑn lin nbɑ sɑɑ wɑnn nɑn i set mɔ kuɑŋɑɑn k lebt binbenŋ. I dɑɑ yien i pɑlɑ ni nɑn Ablɑɑhɑɑnm tie i yejɑ. N yien’i e, Yennu sɑɑ fit k fiin tɑnɑ nbɑ nɑ k lin kpɑnt Ablɑɑhɑɑnm yɑɑbuonɑ.

Pɑjɑl ponŋ tien siil ɑ, ɑ wun cuɑ tiini nɑn b jiinɑ, k tiik kul nbɑ k luon luɑnŋɑnɑ, b sɑɑ cuɑ’l e k lu’l muu ni.»

Lin nbɑ nɑ tie nɑn *Yennu sɔkni Esɑɑyi nbɑ din diɑn u kɑdɑɑɔk ni biɑnŋ nbɑ nɑ ɑ «Nisuɑ tɑn sii be muuk ni k huot k yɑɑ ɑ: ‹Ŋɑnmt mɑn Yonmdɑɑnɔ bɑɑlu sɔnu k tul’ɔ, ŋɑɑn ŋɑnm u sɔni k lii tuok. Bɑɑt kul sɑɑ gbie k nɑɑ; juɑt nɑn kunkonɑ kul sɑɑ bit k nɑɑ. Sɔnu nbɑ ŋmɑl siɑn nbɑ buol, l sɑɑ sont fɑnu; sɔnbuotɑ sɑɑ piin k lɑt nɑɑ, k tingbounŋ niib kul sɑɑ lɑ biɑnŋ nbɑ k Yennu sɑɑ fiel’b nɑ.› »