Popular Bible Verses from Luka 9

Share

Nabwira bo:ne ati, Omu:nu akenda okundu:ba, e:ganye omwene, e:twike omusaraba gwae ku:siku, andu:be.

Okuba unu kenda okukisya obuanga bwae aribubusya, na unu wo:ne aribusya obuanga bwae kubwani, oyo aribukisya.

Nawe Yesu namubwira ati, Omu:nu wo:ne akagwata isuka okurima, ne:kebukira inyuma, oyo ate:ire bukama bwa Nyamuanga.

?Okuba omu:nu aribona muri:ro ki, akarya ca:ro co:ne ke:nu nafwirwamo omwoyo gwae?

Okuba unu wo:ne kanjirira jinswaro anye ne misango jani, oyo no Mwana wo mu:nu arimujirira jinswaro, ariba:ja mwikusyo ryae, ne rya Esemwene, ne rya bamaraika abe:ru.

Yesu namubwira ati, Banyamubwe bari na mo:bo, na jinyonyi ja mu rutumba jiri na mo:swi, nawe Omwana wo mu:nu atari na wa kuta mutwe gwae.

nababwira ati, Unu wo:ne arafugesyaga Omwana omuto:to unu mwisi:na ryani, niwe kafugesya anye. Na unu wo:ne arafugesyaga anye, oyo kafugesya unu antumire, okuba omuto:to mwimwe bo:ne, oyo niwe Omukuru.