Popular Bible Verses from Chɔ᷄ŋ 15

Share

“Ya̍ I̍ cho̍ māchūāā mɛ̄ɛ̍ tɔ̄lɔ̄ɔ̍ chō nu̍a̍ā yɛ̍. Nya̍ nya̍ chō māchūāā mɛ̄ɛ̍ lɛ̄ūwo̍ŋ ŋ̄ chō yɛ̍. Tē wāŋndo̍ hīōū lāchī a̍ wāa̍ ō mɔ̄ɔ̄sa᷅ŋ a̍ ya̍ pɛ̍, ndu̍yɛ̍, mī ya̍ I̍ hi̍o̍ū lāchī a̍ wāa̍ ō mɔ̄ɔ̄sa᷅ŋ a̍ ndu̍ pɛ̍, ō nɔ̄lā mbō yɔ̄ŋgu̍ kōmɔ̄ɔ̄ kɛ̄ndɔ̄ɔ̍ ta̍u̍. Kāni̍, tē ō cho̍ ya̍ le̍, lā nɔ̍lā mī lā tōsa̍ nyɛ̄ o̍ nyɛ̄ le̍.

Tē lā hīōū lāchī a̍ wāa̍ ā mɔ̄ɔ̄sa᷅ŋ a̍ ya̍ pɛ̍, ya̍ bɛ̍ɛ̍ I̍ hi̍o̍ū lāchī a̍ wāa̍ ō mɔ̍ɔ̄sa᷅ŋ a̍ nya̍. Tē lɛ̄vīī tɔ̄lɔ̄ɔ̍ ī ve̍ i̍ mɔ̍ɔ̄sa᷅ŋ a̍ tɔ̄lɔ̄ɔ̄ bɛ̄ŋgo̍o̍ le̍, lɛ̄vīī kēŋ ī ku᷅m te̍. Le̍ mī lɛ̄vīī tɔ̄lɔ̄ɔ̍ ī kōm, mɛ̄ɛ̍ mī ī hīōū lāchī a̍ wāa̍ ī mɔ̄ɔ̄sa᷅ŋ a̍ tɔ̄lɔ̄ɔ̄ bɛ̄ŋgo̍o̍. Le̍nde̍ ko̍ni̍ nya̍ bɛ̍ɛ̍ nya̍ chō ni̍. Le̍ mī lā yɔ̄ŋgu̍ kōmɔ̄ɔ̍ mɛ̄ɛ̍ mī lā hīōū lāchī a̍ wāa̍ ā mɔ̄ɔ̄sa᷅ŋ a̍ ya̍.

Tē lā hīōū lāchī a̍ wāa̍ ā mɔ̄ɔ̄sa᷅ŋ a̍ ya̍ pɛ̍, mī dīōmndā nīla̍ŋ lā hīōū lāchī a̍ wāa̍ o̍ nya̍ ni̍ŋ pɛ̍, lā nɔ̄lā mī lā nyūna̍ Fi̍nyā nūu̍ le̍ nyɛ̄ o̍ nyɛ̄ nya̍ yēēma̍, ndu̍yɛ̍, kīo̍o̍ o̍ ke᷅ nya̍ ni̍.

Ō cho̍ nya̍ le̍ hɛ̍li̍ ya̍ le̍. Ya̍ hɛ̍li̍ nya̍ ni̍, mi̍ ke᷅ nya̍ wa̍li̍ kpe̍e̍kpe̍i̍ le̍ tōsāa̍. Ndu̍ yɔ̍nu̍ŋ ni̍ māā, mī lā yɔ̍ŋgu̍ kōmɔ̄ɔ̍ o̍ cho̍ le̍ fɛ̍ɛ̍ŋ a̍ fɛ̍ɛ̍ŋ ndo̍. O̍ ko̍ŋ, nyɛ̄ o̍ nyɛ̄ tē lā nyūna̍ Fi̍nyā nūu̍ le̍ ndu̍ a̍ dīōlā nīla̍ŋ pɛ̍, kīo̍o̍ o̍ ke᷅ nya̍ ni̍.

Kāālā o̍ kāālā hīu̍ lɛ̍ ho̍ō le̍, ō wāŋndo̍ kāālā ndi̍a̍a̍mɔ̍ɔ̍wa̍a̍ ndūa̍a̍, o̍ ko̍ŋ kɔ̍ɔ̍lī mbō sɔ̄la̍ pīɔ̍mndo̍ le̍ nda̍ wo̍.

Lɛ̄vīi̍ wa̍ o̍ ya̍ mī ī kɛ̄ɛ̍ le̍ kōmɔ̄ɔ̍ pɛ̍, Fi̍nyā nūu̍ fāŋa̍ ndi̍. Lɛ̄vīi̍ ku̍ām ko̍mɔ̄ɔ̄ kɛ̄ndɔ̄ɔ̍ ve̍, ndi̍ ndi̍ mbō kēlū ndi̍ ī ti᷄ŋ lēchōo̍ mbō bɛ̄ɛ̄ndi̍a̍a̍ ndi̍ nyɛ̄ kɛ̄ndɛ̍ī le̍ mī ī chɔ̄ɔ̄lu̍ kōmɔ̄ɔ̄.

Lā kāāli̍āŋ ve᷅llāa̍ vēllē mɛ̄ɛ̍ ya̍ I̍ ka̍a̍la̍ nya̍ yɛ̍. Sāwa̍ nūu̍ cho̍ ho̍ō le̍ nya̍ ni̍.

Tē lā yɔ̄ŋgu̍ kōmɔ̄ɔ̄ kɛ̄ndɔ̄ɔ̍ pɛ̍ ta̍u̍, mɛ̄ɛ̍ o̍ nɛ̄īyo̍ ho̍ō ni᷄ŋ lā chɔ᷄m wāŋnda̍ māā bu̍ɛ̍i̍yāā nīa̍a̍ nya̍ chō ni̍. Ndu̍yɛ̍, o̍ he̍ī ni᷄ŋ ko̍ni̍ nya̍ tōsā ni̍ mī wāŋnda̍ chē mɛ̄ɛ̍ Fi̍nyā nūu̍ chō wāna̍ kɔ̄ndɔ̄fi̍li̍ yɛ̍.

Mi̍ Chi̍i̍sū di̍mu̍l vɛ̄lɛ̄ bu̍ɛ̍i̍yāā ndūa̍a̍, āā, “I̍ cho̍ māchūāā mɛ̄ɛ̍ tɔ̄lɔ̄ɔ̄ kpe̍e̍kpe̍i̍yo̍ chō nu̍a̍ā yɛ̍. Fi̍nyā nūu̍ ndu̍ cho̍ māchūāā māā wāna̍ ma̍ndā tɔ̍lɔ̄ɔ̍ wo̍.

Ndu̍yɛ̍, ī chō yɔ̄nɔ᷄ŋ mɛ̄ɛ̍ nda̍ kīālū nu̍a̍ā lɛ̄vīī tɔ̄lɔ̄ɔ̍, mā vīōū ndi̍, mī ī vēsa̍ yɛ̍. Tē lɛ̄ūwūŋ wāā le̍ndo̍ŋ ŋ̄ vēsa̍ yɛ̄ pɛ̍, wāŋnda̍ hu᷄ŋ chɔ̍ɔ̍vīāā ā kɔ̍ dɔ̍ū o̍ yīŋ, ŋ̄ ŋūɛ̄. Le̍nde̍ i̍ cho̍ yɔ̄nɔ᷄ŋ a̍ wānāa̍ hi̍ū la̍chi̍ a̍ wāa̍ ā mɔ̄ɔ̄sa᷅ŋ a̍ ya̍ le̍ wa̍ ni̍.

“Dīōmndā ya̍ I̍ di̍mu̍l nya̍ la᷅ŋ nda̍ŋ, I̍ di̍mu̍l nya̍ la̍ŋ kpo̍u̍ le̍ mī lā sɔ̄la̍ kɔ̄l kɛ̄ndɛ̍ cho̍ ya̍ ni᷄ŋ ndo̍, ndu̍yɛ̍ mī kɔ̄l nyā kɛ̍ndɔ̄ɔ̍ fūūlu̍u̍ mɛ̍ɛ̄.

Tē lā chu̍a̍ sāwāla̍ nīla̍ŋ pɛ̍, mɛ̄ɛ̍ lā chō hīōūwɔ̄ɔ̄ lāchī a̍ wāa̍ o̍ kāālā nūu̍ bɛ̄ŋgu̍. Mɛ̄ɛ̍ ya̍ I̍ chu̍a̍ sāwāla̍ Fi̍nyā nūu̍, mi̍ I̍ wa᷅ hīōūwɔ̄ɔ̍ lāchī a̍ wāa̍ o̍ kāālā ndɔ̄ɔ̍ bɛ̄ŋgu̍ yɛ̍.

Le̍la̍ŋ, sāwa̍ ya̍ I̍ cho̍ nya̍ dōū wo̍, ndu̍ cho̍ ho̍ō ni̍, māā lā kāāli̍āŋ ve᷅llāa̍ vēllē.”

Tē nya̍ a̍a̍ wa̍ le̍ chi̍e̍ēŋndo̍ pɛ̍, wānāa̍ cho̍ le̍ chi̍e̍ēŋndo̍ wa̍, ā wa̍ nya̍ kāālā māā wānāā ndā. Kɛ̍ ndu̍yɛ̍, I̍ hɛ̍li̍ nya̍ le̍ mī lā sōli̍ bāla̍ŋ o̍ sɔ̄ɔ̍ŋ chi̍e̍ēŋndo̍ŋ ni᷄ŋ. Le̍ he̍ī lā cho̍ lɛ̍ le̍ chi̍e̍ēŋndo̍ le̍. Le̍ sa̍bōo̍ ho̍ō nda̍ tu᷄l nya̍ lēyɛ̄ ni̍.