Popular Bible Verses from SAN JUAN 19

Share

Jesustaj vinagreta llamiytawan nerqa: Tukuy ima tukusqaña. Umanta k'umuykuspataj, espiritunta Dios Tataman qoporqa.

Chay qhepata Jesús tukuy ima tukuychasqaña kasqanta yachaspa, Escritura junt'akunampaj nerqa: Ch'akishawan.

Jesustaj mamanta rikuspa, munakusqan yachachisqawan qayllampi sayashajtin, mamanman nerqa: Kayqa wawayki. Chantá yachachisqamanñataj nerqa: Kayqa mamayki. Chaymantapacha chay yachachisqa, Mariata wasinman pusakaporqa.

Jesusman qayllaykuspataj, payta tariparqanku wañusqataña, chayrayku piernasninta manaña p'akerqankuchu. Ujnin soldadotaj lanzawan Jesuspa wajtannin chaynejta t'ojsispa kicharerqa, kikimpachataj yawar, yaku ima llojsimorqa.

Chay imas ruwakorqa Escritura junt'akunampaj: Mana ima tullumpis p'akisqachu kanqa. Escriturapi wajnejpi nillantaj: Rikonqanku t'ojsisqa kajta.

Jesustaj llojserqa cruznin lijrarisqa, T'ojlu pata nisqa cheqaman. Chaytaj hebreo parlaypi Gólgota nisqa karqa.

Soldadostaj, khishkasmanta uj pilluta simp'aspa, Jesuspa umanman churaykorqanku, uj puka p'achawantaj p'achallicherqanku.