Popular Bible Verses from SAN JUAN 4

Share

Diosqa Espiritumin; payta yupaychajkunaqa espiritupi cheqapitaj yupaychananku tiyan.

Hora chayamushanña, kunantaj chay horapi kashanchej. Dios Tatata cheqamanta yupaychajkunaqa, espiritupi cheqapitaj yupaychanqanku. Dios Tataqa, ajinata yupaychanankuta munan.

Noqaj qosqay yakuta ujyajqa, manaña jayk'ajpis ch'akichikonqa chu. Noqaj qosqay yakoqa paypi mana ch'akej pujyu jina kanqa; chay yakutaj wiñay kausaypaj phullchenqa.

Jesustaj kutichispa nerqa: Diospa regalontachus rejsiwaj; pitajchus yakuta qoway nisunki chayqa; qanraj paymanta mañakuwaj, paytaj kausay yakuta qosunkiman.

Jesustaj paykunaman nerqa: Mikhuyneyqa kachamuwajniypa munayninta junt'anay, ruwanantataj tukuchanay.

Warmitaj nerqa: Señor, mana imapis yakuta orqhonaykipaj tiyapusunkichu, pujyutaj allin ukhu, maymantataj chay kausay yaku tiyapusunkiri?

Warmitaj nerqa: Yachani Cristo nisqa Mesías chayamunanta; paytaj chayamuspa tukuy imata willawasqayku. Jesustaj nerqa: Noqa chay Cristo kani, parlashaykitaj.

Chantá, warmeqa yaku p'uyñunta pachampi saqerparispa, llajtaman rerqa; chaypitaj runasman nerqa: Jamuychej rikunkichej uj runata. Pay tukuy ima ruwasqasniyta sut'inchawan. Manachu pay Cristo kanman?