Popular Bible Verses from SAN LUCAS 8

Share

Sumaj jallp'api tarpusqa mujutaj ninakun, pikunachus sumaj sonqowan, cheqan yuyaywantaj Diospa palabranta uyarinku, jap'ispataj, pacienciawan sumaj poqoyta apanku.

Khishkas ukhuman urmajtaj, Diospa palabranta uyarejkunawan ninakun; paykunaqa kay pacha imaswan, qhapaj kaykunaswan, aychankoj munayninwan ima atipachikunku; chayraykutaj poqoyta mana apankuchu.

Rumiraraman urmaj mujustaj, rijch'akunku uyarejkunaman; chaykunataj Diospa palabranta kusiywan jap'inku. Paykunataj mana allin saphichasqa kasqankurayku, pisi tiempollata creenku; phutiy jamojtintaj ithirikapunku.

Chaymantataj yachachisqasninman nerqa: Maytaj feniykichejri? Paykunataj mancharikuspa t'ukorqanku; tapunakorqankutaj paykunapura: Pitaj chantá kayri, wayrata yakutapis kamachejri, chantá kasunkutaj?

Ñanman urmajkunaqa Diospa palabranta uyarejkuna kanku; supaytaj jamuspa, sonqonkumanta Diospa palabranta orqhon, ama creenankupaj, nitaj salvasqas kanankupaj.

Mana imapis pakasqa kanchu mana rikuchikojqa; nitaj pakasqallapuni kayta atinchu mana yachakoj, nitaj sut'inchakojqa.

Warmitaj, mana pakakuyta atispa Jesusman kharkatitispa qayllaykorqa; ñaupaqenman qonqoriykukuspataj sut'inchayta munarqa tukuy runaj ñaupaqempi, imaraykuchus llankhaykusqanta; imaynatatajchus kikimpacha onqoyninmanta thañisqanta. Jesustaj chantá nerqa: Wawáy, noqapi creesqaykirayku thañisqa kanki, sonqo junt'asqa ripuy.

Jesusman qayllaykuspataj rijch'aricherqanku, nispa: Maestro, Maestro, chinkaykushanchejña!, nispa. Jesustaj wayrata k'amerqa, yaku oqharikojtawan. Wayrataj thañerqa, yakupis tiyaykaporqa.