Popular Bible Verses from Juan 6

Share

Jesusasti jupanacarojj sänwa: —Nayätwa jacañ churir t'ant'ajja. Qhititejj nayaru jutqui ucajja, janiw mayampis awtjayascaniti. Qhititejj nayaru iyawsquitani ucajja, janiw mayampis pharjayascaniti.

Ajayuw jacañ churi, janchejj janiw cunataquis asquïquiti. Cunanactï nayajj jumanacar parlapcsma ucajja chekpach ajayun jacañ churir arunacawa.

Jan irnakapjjamti tucusir mank'ataquejja, jan ucasti wiñay jacañ churiri mank'ataqui irnakapjjam. Aca mank'sti naya Jaken Yokapaw churapjjäma, Dios Awquisti nayaruraquiw ajllisitu —sasa.

Qhitanquitu ucan munañapajja acanacawa: Take qhitinacatejj Diosan Yokaparu uñjquejja, uqhamarac jupar iyawsquejja ucanacajj wiñay jacañanïñapa, nayasti khepa urunjja jacatatayaraquïwa.

Jesusasti jupanacarojj saraquïnwa: —Diosajj cawquïrirutejj jupajj qhitanqui ucar iyawsapjjañamwa muni —sasa.

Take qhitinactejj Awquejj churquitu ucanacajja nayaruw juti; qhititejj nayaru jutqui ucarojja janiw ankaru alisnuccti.

Simón Pedrosti ucjjarojj saraquïnwa: —Tata, ¿qhitirus arcapjjeristjja? Juman arunacamajj wiñay jacañ arunacawa.

Nayätwa alajjpachat sarakanir jacañ churir t'ant'ajja. Qhititejj aca t'ant'at mank'cani ucajja wiñayataquiw jacani. Naya churcä uca t'ant'ajja nayan janchejjawa; ucsti churäwa acapachajj jacañanïñapataqui —sasa.

Janiw qhitis nayaru jutcaspati, janitejj qhitanquitu uca Awquejj apancaspa ucajja. Nayasti khepa urunjja jacatatayäwa.

Diosajj t'ant'a churqui ucajja, alajjpachatwa sarakani, jupasti acapacharojj jacañwa churaraqui —sasa.

Nayätwa jacañ churiri t'ant'ajja.

Jesusajj t'ant'anac amparaparu catusinjja, Diosaruw yuspagaräna, ucatsti discipulonacaparuw churäna. Discipulonacapasti laquiränwa take uca konurat jakenacaru, chawllanacsti uca quipcaracwa laquiräna kawkhtejj munapcäna ucqha. Cunapachatejj sist'atäjjapjjäna ucqhajja, Jesusajj sänwa discipulonacaparojja: —Apthapipjjam uca puchunaca, jan inamayaru tucusiñapataqui —sasa.

Niya mä tupu jiljamwa sarapjjatayna. Ucqha sarcasinwa Jesusar uñjapjjäna uma patanjam jutasquiri, jupanacasti ajjsarapjjänwa. Jesusasti jupanacarojj sänwa: —¡Nayäsctwa, jan ajjsarapjjamti! —sasa.