Popular Bible Verses from Pigólí 5

Share

Náa pa Píɛ na pɔsɔ́g pɔɔ́n pá maʼtom pə́əbuyúúlisini pɔ́nɔ́: «Nyɔ́ tigódíí lɛ́ tɛóbɛn alɛ Táán, adɛ́njaŋ pɔɔd.

Mɔɔ́s miim, a Tɛ́mpɛl , na a toádɛʼ, páyɛ́ɛ əgín agɛɛn yuudi na kaaʼkananɛ pɔɔd, páalɔɛgɛ Tɔsɔm Tólaŋ tó Yə́sus, Məsíi .

Náa Píɛ əə́muŋíən ɔnɔ́ na nyɔ́lɛ́ əə: «Ananɛ́as, tuə́ áa wəə́dí Sáʼtan náan lɛ́ ɛ́sɔd a ɔʼtɛ́m wááŋ súʼtə́ə́ waábod umíim əlígə Uŋun wó Ufúlúʼtú, waáság kɔɔsɛg ngab ɛ mɔɔnɛ́ má waálɛg kɛsom kɛ́ pɔlɛ́m ə́! Pɔlɛ́m póob, adɛ́ poáŋ áa pómɛ́ɛnɔ ɔ? Oyɛ́ɛ ogosáŋɛnɛ lɛ́ odɛálɛg pólɛ́, óolɔb ondɛg. Ɔmbɔ́ tɛn ná waálɛg óo, mɔɔnɛ́ adɛ́ mááŋ áa mámɛ́ɛnɔ ɔ! Tuə́ áa nsiŋ ɛgɛɛlɛ yoom wɔnɔ́ yɛ́ɛy imə́guyíímin a oʼto ə́? Adɛ́njaŋ pɔɔd aa wəə́lígə, Táán áa wəə́lígə.» Ná Ananɛ́as ayóób tɔgɛ́ɛ́ tóod, aáság kaányáŋɛn a nsí kuŋ, əə́gú. Ungim nyɔ́ ayóób kɛbán kɛ́ɛg, ɔyɔ́ɔ́ŋ wɛɛ́y.

Náa nɛ́gɔŋ anɛ́ɛ́n, ndabodɛ́anɛ lɛ́: Pudisiə́d kə́mmú kɛnɛŋ na pɔɔd póonɛ. Íbudíən, pɛ́ɛn. Kɛ́maʼkɛɛn lɛ́ mafɛgaʼ mɔ́ɔ́bɔn na pigólí pɛɔ́bɔn pɛ́ pálɛɛ́ agɛɛlɛ, pɛ́lɛ a toɛn tó pɔɔd, piim pɛ́ɛb piə́wu. Náa, kɛ́maʼkɛɛn lɛ́ nkə kɛ́ pálɛɛ́ agɛɛlɛ kɛ́lɛ a toɛn tó Táán, podɛágaáʼkɛ kuwíiyi. Pólóʼkɔd lɛ́ a niɛlɛ nɛ́ɛn, polɛŋ kɛɛn lɛ́ polɛ agonɔɛyɛ Táán!» Pɔɔd pá páyɛ́ɛ agoyɔmɛ pɔɔ́n pá maʼtom pááság kəə́liʼtini nkə kɛ́ Kamalayɛ́ɛl ayɛ́bodɛánɛ.