Popular Bible Verses from Sɛ́aŋ 14

Share

Uŋóón áa mbə́budíin! Uŋóón wáam aa mbáboyɛ́ʼkɛn o! Ntɛɔ́gɔ agoboyɛ́ʼkɛn wólɛ́ wɔnɔ́ ná pɔɔd pá a nsí yɛ́ɛnɛ páagɛɛ́ʼkɛnanan. Podɛnjɛ́ɛ́n na ɛságág a ɔʼtɛ́m, podɛʼtámmána tɛn yoom na yoom.

Yə́sus əyímuyúlísíni ɔnɔ́: «Mɛ áa ndɛɛ́ ngə́, mɛ áa ndɛɛ́ fɔ́lɔ́b, mɛ áa ndɛɛ́ ɔlaa. Mɔɔd ɔdɛɔ́gɔ ogɛɛn a nó Paabá ná asánɛn yɛ́ mɛ ndɛɛ́.

«Podɛyáságɛ́máá yoom na yoom. Póag oʼto na Táán, póag tɛn na mɛ.

Náa, nyɔ́ ogódíí lɛ́ yíim aboyáamɛnɛn, Uŋun wó Ufúlúʼtú wó Paabá alɛ́ɛ́ kiim ábodómɛnɛɛ́ a niiŋ nɛ́am, wólɛ́ ólɛ́ɛ́ koboyáʼkananɛ pɛbán piim. Ólɛ́ɛ́ koboyɛ́ɛlɛ lɛ́ poáyɔ́ɔ́ŋɛ nkə kiim kɛ́ njɛ́bodɛánɛ.

Nyɔ́ alɛɛ́ agɛnyɔ́ŋɛn, alɛ nyɔ́ alɛɛ́ agoob pɛcɛm pɛ́am, aágɛɛ́ngɛg pɛ́lɛ́. Kɛ́lɛ lɛ́, nyɔ́ alɛɛ́ agɛnyɔ́ŋɛn mɛ, nyóon, Paabá alɛ́ɛ́ komonyɔ́ŋɛn tɛn nyɔ́lɛ́. Mɛ tɛn ndɛ́ɛ́ komonyɔ́ŋɛn, ndɛ́ɛ́ tɛn koóloodi na nyɔ́lɛ́.»

Ndɔgɔɔ́sɔ́gɔlɔn Paabá lɛ́ yíim ábodómɛn mɔɔd wɛndɛ́ŋ nyɔ́ əə́giim aboyáamɛnɛn. Nyɔ́ alɛ́ɛ́ kɛɛnɛɛ́ na pəŋi pɛnɛŋ piim. Nyɔ́lɛ́ ogo aa nyóonɛ alɛɛ́ Uŋun ó pasáád. Pɔɔd pá a nsí yɛ́ɛnɛ pɔ́dɛɔ́gɔ págɛɛn na wólɛ́ lɛ́ pɔ́dɛɔ́gɔ págodála wólɛ́, pándɛŋ tɛn wólɛ́. Náa pəŋi, poálɛŋ wólɛ́ lɛ́ polɛ na wólɛ́. Ólɛ a ntɛ́m yaaŋan a kaadɛ.

Nkə kiim kɛ́ polɛ́ɛ́ kuŋíənií a niiŋ nɛ́am, ndɛ́ɛ́ kɛɛlɛ kɛ́lɛ́ agɛɛlɛ lɛ́ mɛ nyɔ́ ndɛɛ́ Mɔɔ́n wəəŋ ndoodi na pɔɔd wɔnɔ́ ná Táán alɛɛ́ na nugəm. Yiim yɛ́ polɛ́ɛ́ kuŋíənií a niiŋ nɛ́am, ndɛ́ɛ́ kɛɛlɛ yɛ́lɛ́.

«Pɔ́nɔ́ poyɛ́nnyɔ́ŋɛnɛn, ná polɛ agɛɛ́ngɛg mɛ pɛcɛm.

Pɛnɔ pɛ́ kolaa pɛ́lɛ a noádɛʼ nó Paabá tub. Kɛ́dɛʼkɛ́ɛ agɛɛn náan fɔ́lɔ́b ná ntɛbodɛ́anɛnɛ lɛ́ ndɛ agɛɛn əbusóbinini kɛnɔ kɛ́ poágɛɛn kɔ.

Ná ndáaman kubusóbinini kɛnɔ kɛ́ poágɛɛn kɔ, ndəgimbuúlini əgiim əbuúsiəd agɛɛlɛ lɛ́ pəŋi tɛn póɛn kɔ ná ndɛɛ́.

Náa Tómas ɔnɔ́ na nyɔ́lɛ́: «Sə́dúk, pəsi tɛdɛɔ́gɔ agolɛŋ ɔmbɔ́ kɛnɔ kɛmɔɛ́d kɛ́ wɛ olɛɛ́ agɛɛn kɔ. Tuə́ áa tɛlɛɛ́ págolɛŋ anɛ́ɛ́n ngə́ yɛ́ yaágɛɛn kɔ ə́?»