Popular Bible Verses from Sɛ́aŋ 4

Share

Táán alɛ Uŋun. Náan aa pɔɔd pá páamonyáadɛ, pógódíí lɛ́ pámonyáadɛ wɔnɔ́ ná Uŋun wə́əbuúloodi, na a fɔ́lɔ́b.»

Náa, kɛnɛŋ kiə́ndəgiim. Kɛmɔɛ́d áa kɛ́ɛnɛ kɛándɛɛ́ kɔ. Kɛ́lɛ kɛnɛŋ kɛ́ Uŋun wó Ufúlúʼtú ólɛ́ɛ́ kodáŋananɛɛ́ panyáadɛʼ Paabá pá fɔ́lɔ́b pá pálɛ́ɛ́ komonyádɛɛ́ na pɛbán pɛ́ fɔ́lɔ́b lɛ́ ombod ó panyáadɛʼ wóow náan aa Paabá alɛɛ́ anyɔ́ŋɛn.

Kɔmɔɛ́d lɛ́ nyɔ́ alɛ́ɛ́ koŋóó məní má mɛ ndɛ́ɛ́ komoyɛ́ʼkɛnɛɛ́, nyóon adɛndɛ́ɛ́ kiiʼkini koob nɛŋɔ́ɛd kə́mmú. Məní má mɛ ndɛ́ɛ́ komoyɛ́ʼkɛnɛɛ́ málɛ́ɛ́ kaan na nyɔ́lɛ́, isim yɛ́ yáalónan a nsí pis pis pis. Máamoyɛ́ʼkɛn ɔlaa ó pɛnɛŋ piim»

Yə́sus əyímuyúlísíni ɔnɔ́ na nyɔ́lɛ́: «Wɛɛ́lɛŋɛn nɔŋáan nó Táán, na ánɛ aa alɛɛ́ nyɔ́ alɛɛ́ əguguŋíən məní má koŋo, ná wɛ agá aa umə́muŋiə́n məní. Amɛ́ɛ ogooyɛ́ʼkɛn məní má máagɛɛ́ʼkɛnanan ɔlaa.»

Náa ɔnɔ́ na pɔ́lɛ́: «Moom mó konɛ móam mólɛ lɛ́ nyɛ́ɛlɛ nɛnyɔ́ŋɛn nɛ́ nyɔ́ əyíím yɛ́ʼtom, nyɛ́ɛn agaádɛ pigólí pɛ́ ayɛ́nyɛɛ́ʼkɛn.

Náa ɔʼkɛ́ɛd ɔnɔ́ na nyɔ́lɛ́: «Osaá! Wɛ aa nyóon uʼkódií ɔmbɔ́ əgín kɛlongá kɛ́ɛnɛ lɛ́ údúəd məní. Na náan kɛ́, kiɛ́lɛ́ɛ́ kɛ́lɛ lóóŋ a nsí. Tuə́ áa waágɛɛlɛ anɛ́ɛ́n agɛɛlɛ lɛ́ wɔ́ɔŋ məní mágo má wɔʼkɔ́ máagɛɛ́ʼkɛnanan ɔlaa ó pɛnɛŋ piim əə́?

Náa ɔʼkɛ́ɛd ɔnɔ́ na nyɔ́lɛ́: «Ɛɛ́ɛ, mbálɛŋ lɛ́ Məsíi , áay lɛ́ nyɔ́ Táán ayásóŋɛ́ɛ́ lɛ́ álaamɛ a pɛnɛŋ piim, alɛ́ɛ́ kiim. Ná alɛ́ɛ́ kiimií, alɛ́ɛ́ kɛbɛyásɛnan pɛbán piim.» Yə́sus əyímuyúlísíni ɔnɔ́ na nyɔ́lɛ́: «Mɛ ogo nyɔ́ olɛɛ́ əgusəə aa nyóonɛ ndɛɛ́ agosɔyɔ na wɛ.»

«Mɛ́naan óo! Mɛ́naan adála mɔɔd taa! Əmíʼtəənən nkə kiim kɛ́ mbáʼkɛɛlɛɛ́ a ɔlaa wáam. Adɛ́njaŋ Məsíi aa ɛlɛɛ́ náan əə́!»