Popular Bible Verses from LÓʼKAS 4

Share

«Uŋun ó Sə́dúk ólɛ na mɛ lɛ́ əyínyiiyid ɔnɔ́ nyɛ́ɛn alɔɛgɛnɛ pasɔ́gasɔ́gá Tɔsɔm Tólaŋ. Ntɛ́anɛ na pá pálɛɛ́ pɛɔ́lɛ́ lɛ́ pááman a poɔ́lɛ́. Na powongwóg lɛ́ woog wɔ́ɔ́bɔn wááman. Ntɛ́anɛ na pɔsɔ́g pá pɔsɔ́g páboyánɛ́nɛ́ɛ́ pɛɔ́lɛ́ lɛ́ poɔ́lɛ́ poɔ́bɔn poáman. Ayɛ́ʼtóm tɛn lɛ́ nyíim alɔɛgɛ lɛ́ waag ó Sə́dúk kuloodi ɔʼtɛ́m wə́ə́ŋ ólaŋ wə́ndəgiig»

Yə́sus aáság kumuyúlisini ɔnɔ́: «Kɛ́lɛ kidiídílə́ a Kálaʼtaʼ ɛ Táán lɛ́: “Əgín Sə́dúk Táán waaŋ nyɔ́lɛ́nyɔ́əsíŋ áa ónyádɛɛ́. Əgín nyɔ́lɛ́nyɔ́əsíŋ áa úmudúminií əndu agomonyáadɛ” »

Yə́sus əyímuyúlísíni ɔnɔ́ na nyɔ́lɛ́: «Kɛ́lɛ kidiídílə́ a Kálaʼtaʼ ɛ Táán lɛ́: “Ɔlaa ó mɔɔd ódɛɔ́gɔ əgín a moom mó konɛ”.»

Yə́sus aáság kodɛ́ɛmɛn áay a Siuludɛ́ɛŋ agosan. Uŋun wó Ufúlúʼtú óyɛ́ɛ na nyɔ́lɛ́ síɛ́ɛ́d. Wááság komoyɛ́ɛlɛ lɛ́ yɛ́ɛn a kɛnɔ kɛ́ kifələ́ə́n.

Náa Yə́sus ɔnɔ́ na nyɔ́lɛ́: «Ɛɛ́ɛ, kɛ́lɛ náan! Náa áyóŋɛ́ɛ́ tɛn lɛ́ kɛ́lɛ kidiídílə́ kɔ lɛ́: “Odɛyásɔ́sɛ́nɛ́ɛ́ Sə́dúk Táán waaŋ”.»

Ná Omɔlɛɔ́g ayɛ́ɛ aáʼkoman kaásɔsɛn Yə́sus a mbod ngim, aáság kudi ə́mə́muudí, súʼtə́ə́ agɛɛn əgiig a kɛnɛŋ kɛ́ alɛ́ɛ́ kiiʼkini kɔɔ́ŋɛ́ɛ́ ngə́.

Omɔlɛɔ́g aáság kɛɛn na nyɔ́lɛ́ a mɔɛn lóóŋ, əmə́mulóódi nsí ngim na əʼkúu əngim yá álɛɛ́ kɔ. Náa ɔnɔ́ na nyɔ́lɛ́: «Taa, Ndagoyɛ́ʼkɛn əʼkúu yɛ́ɛy əngim lɛ́ ólaamɛ, na tugúm tuim tó tólɛɛ́ kɔ. Nkə kɛ́ɛg kiim, páyɛ́nyɛɛ́ʼkɛn na mɛ. Ndɛ ogɛɛ́ʼkɛn tɛn na ungim nyɔ́ mbányɔ́ŋɛn. Wɛ, uməʼkiʼtúmin əndu agɛnyáadɛ, muim móagoob na wɛ.» Yə́sus aáság kumuyúlisini ɔnɔ́: «Kɛ́lɛ kidiídílə́ a Kálaʼtaʼ ɛ Táán lɛ́: “Əgín Sə́dúk Táán waaŋ nyɔ́lɛ́nyɔ́əsíŋ áa ónyádɛɛ́. Əgín nyɔ́lɛ́nyɔ́əsíŋ áa úmudúminií əndu agomonyáadɛ” »

Omɔlɛɔ́g aáság kɛɛn anɛ́ɛ́n na nyɔ́lɛ́ a Yolósalɛm. Ayɛ́ɛ́n əmudə́nigi a ɛnɔn ɛ́ Tɛ́mpɛl a mɔɛn, náa ɔnɔ́ na nyɔ́lɛ́: «Nga olɛ Mɔɔ́n o Táán, ə́lísíí a ɛnɔn yɛ́ɛnɛ, úcilib a nsí lɛ́, kɛ́lɛ tɛn kidiídílə́ a Kálaʼtaʼ ɛ Táán lɛ́: Táán alɛ́ɛ́ kodɛ́anɛ na məŋun mə́ə́ŋ má maʼtom lɛ́ mə́guúnuŋ. Na tɛn lɛ́: Mágonyáŋɛn kogonyáŋɛ́náán a ɔmbɔg yɔ́ɔ́bɔn agɛɛlɛ lɛ́ udimbúʼtən ɔmbɔ́ kubúʼtən a nɛdáán» Náa Yə́sus ɔnɔ́ na nyɔ́lɛ́: «Ɛɛ́ɛ, kɛ́lɛ náan! Náa áyóŋɛ́ɛ́ tɛn lɛ́ kɛ́lɛ kidiídílə́ kɔ lɛ́: “Odɛyásɔ́sɛ́nɛ́ɛ́ Sə́dúk Táán waaŋ”.»