Popular Bible Verses from LÓʼKAS 8

Share

Má mídə́əŋ a nsí ɛlaŋ málɛ pɔɔd pá pálɛɛ́ na ntɛ́m ɛlaŋ, ntɛ́m ɛ sáád. Páagoob Tɔsɔm, páyaáyɛ́ngɛg tólɛ a ɔʼtɛ́m, pə́yəə́yíísi, tóság kuum.»

Má mídə́əŋ a nɛ́ngany málɛ pɔɔd pá pálɛɛ́ lɛ́ páagoob Tɔsɔm. Náa moom móonɛ lɛ́ ɛságág, tugúm, kaag ɔʼtɛ́m a isóbín yɛ́ ɔlaa múdíədi Tɔsɔm lɛ́ toágon. Móabáʼkanan tólɛ́, túdiúm modámádám mó moágón.

Má mídə́əŋ a kɛgon málɛ pɔɔd pá pálɛɛ́ lɛ́ ná páagoob tɔsɔm tó Táán, pə́əsiəd tólɛ́ na tɔnyɔ́g. Náa, tódɛágón ngaŋ. Pə́əgəə́liʼtini tólɛ́ əgín ɛyaa ɛ́ kɛnɛŋ. Ná ntɔ́b yaáboóboan, páság kuliogi ongoo.

Yiíŋíən na paaʼkan pə́ə́ŋ ɔnɔ́ əə: «Kaag koáŋan kó oʼto na mɛ kólɛ anɛ́ɛ́n ə́lə́ə́ ə́?» Náa, páyɛ́ɛ na wɛɛ́y. Páyɛ́ɛ əgəə́wúunəni kɛ́fɔlɛ́, pə́əgəə́ŋíənə kɔ pɔ́lɛ́ na pɔ́lɛ́, pɔ́nɔ́ əə: «Mɔɔd igə aa nyóonɛ ə́? Alɛ amaʼkosásɛdɛn ɔmbɔ́ kigud, ɔmbɔ́ puní pó noom, muim móamoyóbɛn»

Ɛbá yɛ́ ngə́ yɛ́ masám mídə́əŋ kɔ, ɛ́lɛ pá pálɛɛ́ lɛ́ ná páagoob tɔsɔm tó Táán, Omɔlɛɔ́g əməʼkiim əgiig, áság kuliogi tó tóyɛ́ɛ toáʼkosɔd a ntɛ́m yɔɔbɔn agɛɛlɛ lɛ́ pə́diyə́líʼtíníí tólɛ́, pálɛŋ kɔɔy.

Yiim yɛ́ ɛ́yɛ́ɛ a pɛɔsɛ́g ɛ́lɛ́ɛ́ kolon táán. Yɛ́ ɛ́lɛɛ́ a nuníb, pálɛ́ɛ́ kolɛŋ, ɛ́lɛ́ɛ́ kolon a kɛmoámoáŋ tə́ləə.

Ná ɔʼkɛ́ɛd yɛɛ́dála náan lɛ́ Yə́sus aáʼkomobándon, ayɛ́ɛ́n əmudə́əŋənən a ambaan, əə́liminə na wɛɛ́y kwag, kwag, kwag. Ayáloáŋánánɛ́ɛ́ kiim a udi ó mɔɔd ungim, a oʼto ó kɛbán igə aa nyɔ́lɛ́ ɔɔ́dɔ́bɛd Yə́sus, na wɔnɔ́ ná nyɔ́lɛ́ aáság koom kɔ áay kum a nsí. Náa Yə́sus ɔnɔ́ na nyɔ́lɛ́: «Íyowó, tod kɔŋɛʼ á! Omɔ́ɔy lɛ́ omáág oʼto na mɛ.»

Paaʼkan páyáyɛ́ʼtɛ́nɛ́ɛ́ a ɛbá yə́ə́ŋ, pááság kumuyóndigi, pɔ́nɔ́ na nyɔ́lɛ́: «Kɛlág óoó! Kɛlág wɛ! Tiə́gú o!» Aáság kondig, aásásɛ́dɛn kigud, , aásásɛ́dɛn tɛn puní pó noom. Moom móom muim moáság kodɔɔ, kɛnɔ wiiy.