Popular Bible Verses from Luk 3

Share

Niriba maa ni daa deei baptaizibu, ka Yisa gba daa deei baptaizibu ka suhiri Naawuni; di saha maa ka zuɣusaa daa bɔɣi, ka Naawuni Shia Kasi yi zuɣusaa na ka o kɔtomsi be kaman ŋmani la ti tam o zuɣu. Ka kukol’ shɛli daa yi zuɣusaa na yɛra, “M Biyurigu n-nyɛ a; n nini tiɣ’ a pam.”

Ka Jɔn daa yɛli bɛ zaa, “Yɛlimaŋli, kom ni ka man’ baptaiziri ya, amaa ŋun be n nyaaŋa kanna mali yiko gari ma, hal ka man’ pɔri gba ni n gbaag’ o namda mal’ o ka o pirigi; ŋun’ ni ti zaŋla Naawuni Shia Kasi mini buɣim baptaizi ya.

Amaa benya kaman tihi la m-mali wala yi biɛhigu ni din ni wuhi ni yi shiri niŋ tuuba ni yɛlimaŋli. Ka miriya ka yi nyuri bara yi suhuri ni yi yab’ ni nyɛ Ibrahimma la zuɣu; dama n yɛri ya mi ni Naawuni ni tooi zaŋ kuɣa ŋɔ nam ninsalinima ka bɛ leei Ibrahimma zuliya.

Hal pumpɔŋɔ lɛhu domi gu tihi; dinzuɣu tia kam din bi wandi wal’ suma, bɛ ni ŋmaa’ li luhi n-zaŋ li nyo buɣim.”

Di bemi kaman Anabi Aizaia ni daa sab’ shɛm o litaafi ni la ni Naawuni yɛliya: “Ninvuɣ’ so ni ti be mɔɣu ni mooni molo yɛra, ‘Malimiya ti Duuma kandina soli gu o, ka mal’ o soya ka di tuhi. Ka yiliŋ kam ti ŋari, ka zoya mini daboya zaa ti nahi taba, ka luɣ’ shɛlikam din golim ti tuhi, ka soli kam din be gbirimagbirima ti niŋ polipoli, ka daadam kam ti nya Naawuni tiliginsim.’ ”