Popular Bible Verses from Yohane 6

Share

Yesu de mɛ ke, “Imi ji abolo nɛ haa nɔ wami ɔ nɛ. Ke nɔ ko ba ye ngɔ ɔ, hwɔ be lɛ yee gblegbleegble; nɛ nɔ nɛ he mi ye ɔ, kuma be lɛ yee gblegbleegble.

Mawu mumi ɔ nɛ haa nɔ wami ɔ nɛ. Adesa he wami pi nɔ́ ko kulaa. Munyuhi nɛ i kɛ nyɛ tu nɛ ɔ ma ha nyɛ Mawu mumi nɛ haa nɔ wami ɔ.

Nyɛ ko gbo ngma nɛ puɛɔ ɔ he dengme. Mohu ɔ, nyɛ hla ngma nɛ hii si kɛ yaa neneene. Enɛ ɔ ji nɔ́ nɛ Nɔmlɔ Bi ɔ ma ha nyɛ ɔ nɛ, ejakaa Tsɛ Mawu ɔ nɛ hla lɛ.”

Ejakaa Tsaatsɛ suɔ kaa nɔ tsuaa nɔ nɛ na Bi ɔ, nɛ e heɔ lɛ yeɔ ɔ, e na neneene wami. Nɛ nyagbe ligbi ɔ, ma tle mɛ si kɛ ba wami mi.”

Yesu he nɔ́ ke, “Mawu suɔ kaa nyɛ he nɔ nɛ e tsɔ ɔ nyɛɛ ye.”

Nɔ tsuaa nɔ nɛ Tsaatsɛ ngɔ ha mi ɔ maa ba ye ngɔ. Nɔ tsuaa nɔ nɛ baa ye ngɔ ɔ, i be lɛ fiee kɔkɔɔkɔ.

Simon Petro he nɔ ke, “Nyɔmtsɛ, mɛnɔ ngɔ wa maa ya? Mo lɛ o ngɛ neneene wami munyu ɔmɛ.

Imi ji abolo nɛ je hiɔwe nɛ haa nɔ wami. Nɔ nɛ maa ye kikɛmɛ a abolo nɛ ɔ eko ɔ maa hi si kɛ maa ya neneene. Abolo nɛ ma ha lɛ ɔ ji imi nitsɛ ye he lo nɛ i ngɔ kɛ ha, bɔ nɛ pee nɛ je ɔ tsuo yi nɛ na wami.”

Nɔ ko nɔ ko be nyɛe maa ba ye ngɔ kaa ja Tsɛ ɔ nɛ tsɔ mi ɔ gbla lɛ kɛ ba ye ngɔ; nɛ nyagbe ligbi ɔ, ma tle lɛ si.

Mawu we abolo ɔ ji nɔ nɛ je hiɔwe kɛ ba a, nɛ lɛɛ e ma ha je ɔ wami.”

Imi ji abolo nɛ haa nɔ wami ɔ nɛ.

Yesu kukuɔ abolo ɔ, nɛ e na Mawu si; kɛkɛ nɛ e dla ha ni ɔmɛ tsuo nɛ hii si ngɛ lejɛ ɔ. E dla lo ɔ hu ja nɔuu, nɛ nɔ tsuaa nɔ ná bɔ nɛ maa su e nya. Benɛ mɛ tsuo a ye nɛ a tɔ ɔ, Yesu de kaseli ɔmɛ ke, “Nyɛ bua bibliwi nɛ piɛ ɔ nya nɛ eko kó dã.”

Kaseli ɔmɛ hlui lɛ ɔ kɛ ya saii, maa pee kaa si tomi etɛ, loo eywiɛ; kɛkɛ nɛ a na Yesu nɛ nyɛɛ nyu ɔ hɛ mi kɛ ma, nɛ e miɔ nɛ e su lɛ ɔ he. Sawale nu mɛ, se Yesu de mɛ ke, “Nyɛ ko ye gbeye! Imi!”