Popular Bible Verses from Luka 14

Share

“Nɔ tsuaa nɔ nɛ maa ba ye ngɔ ɔ, loko e ma nyɛ maa pee ye kaselɔ ɔ, ja e suɔ mi kulaa pe e tsɛ, kɛ e nyɛ, kɛ e yo, kɛ e bimɛ, kɛ e nyɛminyumuhi, kɛ e nyɛmiyihi, kɛ lɛ nitsɛ e he tete.

Nɔ tsuaa nɔ nɛ ngɔɛ lɛ nitsɛ e sɛumi tso ngɔ fɔɛ e konɔ kɛ ba nyɛɛ ye se ɔ, e be nyɛe maa pee ye kaselɔ.

Ejakaa nɔ tsuaa nɔ nɛ woɔ e he nɔ ɔ, a maa ba lɛ si, nɛ nɔ nɛ baa e he si ɔ, a ma wo e nɔ.”

Yesu gbe nya ke, “Jã kɛ̃, ke nɔ ko suɔ kaa e pee ye kaselɔ ɔ, ja e si níhi tsuo nɛ e ngɛ ɔ.

“Ke nɔ ko ngɛ hlae nɛ e ma mɔ ɔ, kekleekle ɔ, e hii si nɛ e buu nya, nɛ e hyɛɛ kaa e ngɛ sika nɛ maa su nya gbemi lo. Ke e ya pee we ja, nɛ e je mɔ ɔ mami sisi, nɛ e ya nyɛ we nɛ e gbe nya a, nihi tsuo nɛ na nɔ́ nɛ ba a maa ye e he fɛu. A ma de ke, ‘Nyumu nɛ ɔ je mɔ mami sisi, se e nyɛ we nɛ e gbe nya.’

Ke o ngmɛ okplɔɔ ɔ, tsɛ ohiatsɛmɛ, glɔtsɛmɛ, pɔ̃tsɛmɛ, kɛ hɛ yuyuili mohu; nɛ Mawu maa gbaa mo; ejakaa mɛɛ a be nyɛe maa to mo nane mi. Ligbi ɔ nɛ ni kpakpa amɛ maa te si kɛ je gbeje ɔ, Mawu maa to mo nane mi.”

“Ngo hi, se ke ngo nya nyu gbo ɔ, nɔ́ ko be nɛ a maa pee nɛ e doo ekohu. E hí nɛ a kɛ woɔ zu mi kaa kuku tete; pe a tsɛ̃ɛ̃ ngɔ pueɔ he. Tse nyɛ ngɛ tue! Saminya! Lɛɛ nyɛɛ bu nɔ́ nɛ i ngɛ dee ɔ tue!”