Popular Bible Verses from Genesis 6

Share

Tsi' mele i pusic'al lac Yum cha'an tsi' mele winicob ti pañimil. Ch'ijiyem i pusic'al.

Lac Yum tsi' q'uele cabʌlix i jontolil winicob ti pañimil. Tsi' q'uele jontol jax ti pejtelel ora pejtel chuqui an ti' pusic'al winicob yic'ot pejtel chuqui tsi' ña'tayob.

Lac Yum tsi' q'uele Noé ti uts'at. Tsi' pʌsbe i yutslel i pusic'al.

Jiñobʌch i p'olbal Noé. Toj jini Noé. Uts'at ti' wut Dios yic'ot ti' tojlel winicob x'ixicob. Uts'at tsi' cha'le xʌmbal ti' bijlel Dios.

Lac Yum tsi yʌlʌ: Mi caj c jisan ti pañimil jini winicob tsa' bʌ c mele yic'ot bʌte'el yic'ot jʌlʌcña bʌ mi' majlel yic'ot mut, come wolic mel c pusic'al cha'an tsac meleyob, che'en.

Che' bʌ tsa' cajiyob ti p'ojlel winicob ti pañimil, tsi' yilayob pañimil ja'el xch'oc bʌ i yalobilob. Jini sajtemo' bʌ i yalobilob Dios tsi' q'ueleyob xch'oc bʌ i yalobilob winicob. I t'ojol jax tsi' q'ueleyob. Tsi' pʌyʌyob i yijñam che' bajche' jaytiquil tsi' mulayob. Tsi' yʌlʌ lac Yum: Mach ti pejtelelic ora mi caj i cuchbeñob i jontolil winicob jini quEspíritu, come tsucul i pusic'al winicob. Mi caj j com'esʌbeñob i jabilel cha'an wʌcc'al jach jab mi' yajñelob ti pañimil. An colem bʌ winicob ti pañimil ti ili ora yic'ot ti wi'il. Jini sajtem bʌ i yalobilob Dios tsa' tili i pi'leñob jini xch'oc bʌ i yalobilob winicob. Tsi' q'ueleyob pañimil i yalobilob. Jiñobʌch ch'ejl bʌ winicob año' bʌ ti wajali. Wen ñucob.

Che'ʌch tsi' mele Noé. Tsi' cha'le pejtelel chuqui tsi' yʌlʌ Dios.

Dios tsi' sube Noé: Mi caj c jisan pejtel winicob x'ixicob, come cabʌl tsa' p'ojli jontolil ti pejtel pañimil. Awilan, mi caj c jisañob yic'ot pañimil.

Mele barco ti goferte'. Mele tsalʌl tac ti barco ja'el. Pʌc'ʌ yic'ot i yetsel te' ti' mal yic'ot ti' pat.

Dios tsi' q'uele jontol jax pejtel winicob x'ixicob, come tsi' socoyob i bʌ ti pañimil.

Mi caj a pʌy ochel ti barco pejtel cuxul tac bʌ ti cha'cha'cojt, cha'an cuxul mi' yajñelob a wic'ot. Mi caj i yochel ti ñujp ti ñujp te'lemut, yic'ot bʌte'el, yic'ot jʌlʌcña bʌ mi' majlel ti lum ti chajp ti chajp. Ti ñujp ti ñujp mi caj i tilel ba' añet cha'an ma'anic mi' jilel. Che' tsi' yʌlʌ Dios.