Popular Bible Verses from Yoohana 1

Share

Iꞌdaasenyi ꞌdooꞌdi tuummane usu khaatte, magahiis rummeeste, nyaakhuti Waakhe icho yateehiin a muꞌdanyahiin.

Uumaccho ka ki magahiis Yeed layadeeh a jire one, Yeed Waakhe leejire, Yeed la a Waakh ekkatiissa.

Banayhaas la mugꞌdi goya kabolkhaane, iꞌdaasenyi mugꞌdi jirtuu ma khaato.

Ki magahiis Yeed layadeeh weeli enenyet yitahye, harrata ka goyteen furte. Inno la weynaantiisti weyti haaggan a agarre, weynaanti weeli keleyenye Waakh. Ulla usuhi haaggi Waakhe buure ichoow rume buuhaane Aabbaheen kayimiy.

Waakh usu ka, walah tuumman a soouume. Walah lasoouume laantiis lasoouume mala. Usu jiroti rummaat lakeela. Jirota la weeli enenyete banay ikeenta.

Ibeenki kaas sooraaho ka, Yoohanahi Enenyet Baattissiyo Yeessohi soosohti arge. Yoohana la wihi us yidah, “Yeya, Heleenki Waakhe uskeeli ꞌdooꞌdi harrata bahcho kalla.

Us harratane kijire. Chiꞌ usu ka walah tuumman lasoouume laka, ꞌdooꞌdi harrata eti us yahe ma aban. Us ꞌdooꞌdiissa iyimiyye, iꞌdaasenyi ꞌdooꞌdiis usu ma khaatan.

Eti banayhi rummaatenye weeli enenyet tuumman banay tuso la yomboka harra a yamiit.

A mehe Waakh amurretiis Muusa ka a inno siiche. Haaggi Waakhe buure ichoow runtiis la Yeesso Kiriisto ka a inno tuste.