Popular Bible Verses from Yoohana 16

Share

Waha la a atin icheeke, ꞌdee ani ka nebey ꞌhessaan. ꞌDooꞌdi harrata goyaka sina a atin taham. Iꞌdaasenyi roorro akhabina, an harrata a soorichee.”

Iꞌdaasenyi maanti Rubeyti Munyeenye rum leh atin itimiy, runti tuummane Waakh katimiy a atin tussa. Rubeyti Munyee la awtiche ma kayeyyeeddo. Wihi iche daagte, ichoow wihi ꞌdee berri sooyateeh, iche atin isoocheekta.

Atin ichoowka uliba walah atin jeenteti atin keey itahiin u daahteen mele. Waakh wihi atin ꞌdoontaan daaha a ꞌhessaane, ꞌdee hamaadiin la ki buuho iche yateeh.

Iꞌdaasenyi rume atin icheeka, katabnaanki an atin katabo, a iroonotiinna. Iꞌdi tahe chirri an iiran, Rubeyti Munyeenye, ꞌDooggargaarto layadeeh, ma atin itamiit. Iꞌdaasenyi chirri an irde a atin isooerga. Maanti ꞌDooggargaartota timiy la, ꞌdooꞌdi wahanyeyyohi harratane sussuuje raaho saggi malicho baabul iyahe a tussa. Mali icho khabaane fissanoonki Waakh miinsan a baabul. Toro la wihi saggi Waakh ꞌdooꞌdi harrata ꞌdee ihukkumo miinsan a baabul.

Atin ka laka iꞌdaas on tateeh. Toolla a bolokhtaane, iꞌdaasenyi toro a atin arga, atin la weyti hamaaddaane, et hamaadiin atin kakhaato la mele. Maantaas walah atin iworsattaan mele. Rume atin icheeka, walahbaaw jeenteti atin keey itahiin u daahteen Aabbaheey a atin siicha.

Rume atin icheeka, atin a ooytaane, uuwwissaane, iꞌdaasenyi ꞌdooꞌdi wahanyeyyohi harratane sussuuje raaho a hamaada. Atin a bolokhtaane, iꞌdaasenyi bolokkhiin a luurgiyicha hamaad lakayeela.