Popular Bible Verses from Luuka 14

Share

“Chirri etoo isooraaho ulla toro aabbahiis ichoow abartiis ichoow makhaabassiis ichoow nyaakhutiis ichoow walaalinyetiis ichoow albehi leedesse iꞌdiiꞌdine, jirotiis laka iꞌdiiꞌdin, etaas abattiteey itaahan ma yabuuꞌd.

Eti tuummane massalaabatiis isiꞌdine, sina iumhane ani isooraahin, abattiteey itaahan ma yabuuꞌd.

Iꞌdi tahe eti tuummane isweynaacho a lanuglaacha, eti isnuglaacho la a laweynaacha.”

Saggaas on u etiinki tuummane wihi us khabo tuumman iꞌdiin, abattiteey itaahan ma yabuuꞌd.

“Eemba etiinkoo minkoo buurenye disin ꞌdoona. Etaas koloo a orronta, chilimmeti minkaas tuumman disso rerreega, usu khabo ichoow usuhuus yeya menya? Iꞌdi tahe chirri us daddaabohi ilaat dise, us minkaas massin waaye, ꞌdooꞌdi argo la weyti usu kachaarta. Wihi icho yadeehiin, ‘Eta goorat minka a dise toro massin agaafte.’

Iꞌdaasenyi chirri at sukuuku bihisso, ꞌdooꞌdi miskiine ichoow ki maꞌdee, iꞌdi maanta ki luhlo laa ichoow ki indo laa wah. At la ꞌdee Waakh a kimaala. ꞌDooꞌda walah us khabo us kisoolaabo mele. Eheetteey laka maanti ꞌdooꞌdi fiffissan omoot lakasookahcho, Waakh kalaꞌde kisoolaaba wihi at yeesse ka.”

“Magaaꞌde a haaggantahe. Iꞌdaasenyi chiꞌiche gimbatiche waayte, saggoh toro liigimbaacha? Harra ommos laag laka ma iroon gone, a lakhuba on. “Eti dogo khabo, a daago giꞌde.”