Popular Bible Verses from Génesis 9

Share

Aju techal ti'j nyole kb'antel ti'j kyuk'ile te jumajx, ex kyuk'il kykyaqil txkup, atzun t-xmakal lob'aj ma kub' nq'o'ne tuj muj. K'ajb'el te techal ti'j nyole kyajni b'ant ti'j wu'ne tuk'il twitz tx'otx'.

Ok tkub' ten t-xmakal lob'aj tuj muj, ok wila'ye ex ktzajel nna'ne nyole kyajni b'ant ti'j kyuk'ile te jumajx, ex kyuk'il kykyaqil qeju at kychwinqlal, chi Dios kye.

Qa at jun ma kub' b'yonte jun xjal, ax juntl xjal kb'el b'yonte te, tu'nju kub' tb'incha'n Dios xjal ik tza'nx te tilb'ilal.

Kub' ky'iwla'n Noé tu'n Dios kyuk'ix qe tky'ajal, ex xi tma'n kye kyja': Che k'wa'line, chmet-x kyb'aje, ex kynojsame twitz tx'otx'.

Tkyaqil txkup itz' ex in yukch k'ajb'el te kychi'ye. Ik tza'n o txi nq'o'ne awal te kynik'b'eb'le, ikxtzun ja'lo tkyaqil in xi nq'o'ne kyeye te kynik'b'eb'le.

Che xob'el kywitze kykyaqil txkup twitz tx'otx', kykyaqil qeju in che lipan twitz kya'j, qeju in xi kyjaqu'n kyk'u'j twitz tx'otx' ex qeju ate' tuj mar; kykyaqil qe jlu che tel tjaq' kykawb'ile.

Atzun kyeye, che k'wa'line, chmet-x kyb'aje, ex kynojsame twitz tx'otx', chi Dios.