Popular Bible Verses from Juan 10

Share

Ate eleq' noq elq'al nnu'l ex b'yol kye ẍne'l ex in che naj tu'n; atzun weye ma chin ule tu'n tten kychwinqlal ex nimxix kychwinqlal tu'n tten.

Aqine b'a'n pastor; ate b'a'n pastor in xi tq'on tib' tu'n tkyim tu'n kyklet qe ẍne'l.

Qe nẍne'le in kyb'i'n tq'ajq'ajel nwi'ye, ex ojtzqi'n qe wu'ne, ex in che ok lpe' wi'je.

In xi nq'o'ne kychwinqlal te jumajx, ex mlayx che naj, ex mi jun k'elel q'inte kye tuj nq'ab'e.

Aqine ttzi pe'n kye ẍne'l; alkye ma tz'oktz ttzi pe'n lu kkletel; ok k'oketz ex k'elex, ex knetel twab'l.

Aqine b'a'n pastor, ex ojtzqi'n qe nẍne'le wu'ne, ex qe nẍne'le ojtzqi'n qine kyu'n

A Nmane tzaj q'onte kye weye, ex mas nim toklen Nmane kywitz kykyaqil, ex mi jun jaku tz'el q'inte kye tuj tq'ab' Nmane. Aqine tuk'ix Nmane junx qo'ye, chi Jesús xi tma'n kye.

ik tza'n te Nmane ojtzqi'n qine tu'n, ex ojtzqi'n Nmane wu'ne; ex in xi nq'on wib'e tu'n nkyime tu'n kyklet qe ẍne'l.

Mi jun k'elel q'inte nchwinqlale, wu'nx wib'e kxel nq'on wib'e tu'n nkyime. At woklene tu'n t-xi nq'on wib'e tu'n nkyime, ex at woklene tu'n njaw anq'ine. Atzun mandamyent jlu ma nk'ame te Nmane, chi Jesús kye.

Xitzun tma'n Jesús juntl maj kye: —Ax tok kxel nma'ne kyeye: Aqine ttzi pe'n kye ẍne'l.

Atzunju xjal majen, ex mya axixte pastor, ex mya te qe ẍne'l, ok tlonte ok ttzaj xo'j, in che kyaj tkolin qe ẍne'l ex nne'l oq; atzun kye ẍne'l in che tzyet naj tu'n xo'j ex in che el sputj tu'n.

Tmatzun Jesús: —Ax tok kxel nma'ne kyeye, alkye minti' nno'kx ttzi kype'n ẍne'l, noq o'kx nno'kx tuj juntl plaj, atzunte eleq'ju minti' t-xob'il.