Popular Bible Verses from Juan 5

Share

Ax tok kxel nma'ne kyeye, alkye ma txi tb'i'n nyole ex ma tz'okslan ti'j ju tzaj samante weye, at tchwinqlal te jumajx; ex mlay kub' t-sentens, porke ma tz'etz tuj kamik, ma pon tuj chwinqlal.

Tej tlonte Jesús koẍl xjal, el tnik' ti'j otoq tz'el q'ij tyab'tlen, kyja'tzun xi tqanin te: —¿Tajpeya tu'n tb'anixa?

In b'aj kyke'yine tuj Tu'jil, porke tuj kynab'le atzun in knet chwinqlal kyeye te jumajx; ex axtzun ta' ju yol in yolin wi'je. Ex minti' kyaje ti'j tu'n kytzaje wuk'ile tu'n tten kychwinqlale.

Xitzun tma'n Jesús te yab': —We'ktza, q'inx tkoẍb'ila ex b'eta. Jurat naj b'anix ju xinaq, xi ti'n tkoẍb'il ex xi b'et. Tuj q'ij te ojlab'ltoq jlu.

Xitzun tma'n Jesús kye: —Ax tok kxel nma'ne kyeye, mlayx b'ant jun aq'untl wu'ne wu'nx wib'e, aqine K'wa'lb'aj; noq o'kx in b'ant wu'ne aju nno'k nke'yine in b'ant tu'n Nmane; porke aju in tb'incha'n Nmane, ax ikxtzun weye in b'ant wu'ne aqine K'wa'lb'aj.