Popular Bible Verses from LUCAS 5

Share

Bylux bluu me meññ, ra me Simóṉ: ―Güiyno barcü ru guial, no lâ gráḻ xgueshmbaḻ laꞌd lo nzeꞌ par gynahzy laꞌd mbaḻ.

Ra Simóṉ leeme: ―Muextr, gydo guiaal gatzoo noꞌ dziiñ, per dgueññ gynahzy noꞌ ni to mbaḻ. Per bâḻ neꞌy ze la, naꞌ tzo noꞌ dzigráḻ noꞌu. Ru bráḻ yâme gueshmbaḻ‑e naꞌ, güyuꞌ gahc xtahl mbaḻ leññu, lé rluuw ba igaaxu.

No lahd lahd gá rrusytzu Jesúz, ria me ru nehx nu meññ, rigynino me Dioz.

Naa nehx biaḻaꞌ zidyobyaꞌ meññ-tziaawy, mazyg meññ-guîlquie we zidyobyaꞌ leeyahc lehdy csaan yâme ni nahcsy ni nac yâme.

Per ru bwieꞌ Simoṉ-Pedr niwé we naꞌ, bisshiby me lo Jesúz, ra me lee: ―Nehx rquihñaꞌ par cuiahziꞌ ru zuun, Señor, porni meññ-guîlquie we naa.

Were ra Jesúz leeyâme: ―Meññ ni nzaꞌg nehx rquihñ tza lo doctor, mazyg meññ-gayac-ure, wé we rquihñ doctor.

Hor-ba güloo xbarcü yâme lo yudahñ, psaꞌn yâme gyreu uga no za yâme no Jesúz.

Dze-nu Jesúz to guiedzy, bydzihñ to mpyquie ni gayudz gydo lady. Ru bwieꞌ me Jesúz‑e naꞌ, bisshiby me lo, lé güdihsh ihqy me lo yu, ra me lee: ―Señor, lii ni rtzoo mdad, bâḻ racladzyiꞌ la, beeiy csiaḻiꞌ naa we. Were pshob ña Jesúz chehsh me, no ra leeme: ―Naa racdadzyaꞌ csiaḻaꞌ lii. ¡Ba biaḻiꞌ we! Lux günii Jesúz ze, biaḻ gahc ni gayudz gydo lady mpyquie-caḻ.

Ma gayuguia Jesúz no ma gadohp meññ par guieññ ni rnii me, no par csiaḻ me lee de xguîlguihdz.