Popular Bible Verses from Lukas 11

Share

Kaam iyu, minsan kaam taga dusa tau du muwanan anak bi ayi-ayi makahap. Luba'-luba' na na 'Mma' bi ma diyōm sulga' tau du muwanan kaam Nyawa Sutsi ni sasuku ngamu' ni iya.”

“Hangkan uk ku ma kaam: ngamu'-ngamu' kaam bo' biyuwanan du kaam. Meha kaam bo' makatawwa' du kaam. Mikiukab kaam bo' iyukaban du kaam.

Sabab sayi-sayi ngamu' kabuwanan du, sayi-sayi meha makatawwa' du, sayi-sayi mikiukab iyukaban du.

Nambung si Isa, uk na, “Bang kaam nambahayang subay salaitu kalangnganan na. Uk bi, ‘O 'Mma' kami Tuhan, bang peen pig-addatan ōn nu sutsi uk aa kamemon. Bang peen 'nsa' taggōl bo' kau magparinta ma manusiya' kamemon ma dunya itu.

Ampunun manga dusa kami, sabab ampun kami isab ma sayi-sayi makabuwanan kami dusa. Daa kami sulayan nu biyo ni diyōm sasat.’ ”

Buwanin kami balanja' 'llaw-llaw.

Mata ta itu sali' dalil palitaan muwan sawa ma diyōm ginhawa ta. Bang hap panganda' ta, hati na bōntōl hinang ta, iya pigbahasa sali' sawa lullun diyōm ginhawa ta. Suga' bang mata ta 'nsa' hap, hati na laat hinang ta, iya pigbahasa sali' ngalindōm diyōm ginhawa ta itu.

Mandu' le' si Isa, uk na, “'Nsa' niya' ngandōkōt palitaan bo' iyampa tapukan na atawa lōkōban na maka undam, suga' biyōtang du uk na ma diyata' pabōtangan na supaya tanda' sawa na uk sasuku pasōd ni diyōm luma' hi'.