Popular Bible Verses from Mbombo tsa Vapositili 1

Share

Lɨno jʉmukwʉpɨlɨla amaka wʉ ʉMepo ʉMbalatse itsile kwanyie. Pwʉ jʉmwiva vooleletsi va kʉvavʉʉla avaanu avange ikulongwi tsyango mu Yelusalemu, mu mpandʉlʉ gwoni gwa Yuuda, nʉ gwa Samaliya, nʉ kʉtsisika kʉ vʉsililo wa kɨlʉnga.”

Akavaanda akata, “Nambombo jiinyo ʉkʉlʉmanya isigono nɨ misɨkɨ ɨgyavɨɨkile ʉNgʉlʉve mu vʉtavʉlɨlwa wa mwene.

Ɨkɨgono kɨpamato, wʉ ʉYɨɨsʉ iilya paninie na vapositili va mwene, akavalagɨla akata, “Mulahegaga mu Yelusalemu, apeene mupʉlɨkɨlage muumu, ʉkʉsika ʉnsɨkɨ ʉgwʉ jʉmukwʉpɨlɨla ʉMepo ʉMbalatse ndʉwʉ ʉDaada vango aavahʉʉviitse ʉnyie ʉkʉta alavapa. Ɨnyʉʉve ɨjyo jyʉ jyene najyʉne ndɨkajɨtsovaga. ɄYohana aavootsaaga avaanu na magasi, lɨno kʉ nsɨkɨ nsupi vʉvʉle ʉgukwitsa, ʉnyie jʉmukwotsiwa nʉ Mepo ʉMbalatse.”

Kʉ nsɨkɨ gwa sigono isitsigo sinni (40), ʉkʉhʉma atsʉʉkage mu vʉswe, aavavonekelaga avapositili valya kakongosu, alɨkwɨvonia pavʉvalasu kʉ veene ʉkʉta ʉmwene mwʉmi. Ikange alɨkʉvamanyiisa ikulongwi tsa Lʉdeeva lwa Ngʉlʉve.

Wʉ ʉYɨɨsʉ amalile ʉkʉvavʉʉla itsi avapositili va mwene, baaho akatoolwa pamiiho pa veene ʉkʉbɨha kʉkyanya. Ɨlivɨngo lɨkanʼgubikila, navaambone ikange.

Wʉ vatsiige vilola kʉkyanya wʉ itoga, lola, ʉnsɨkɨ gʉʉgwa vakɨɨma baaho pawiipi na veene avagoosi vavɨlɨ ʉwʉ vaaswalile ɨmisabwa ɨmivalasu. Vakata, “Nyɨ vagoosi va mu Galilaya ʉnyie, kɨki mwɨmile apa mwilola kʉkyanya? ɄYɨɨsʉ ʉjʉ ʉvɨ atoolilwe kwanyie ʉkʉbɨha kʉkyanya, ndʉwʉ mumbwene wʉ itoga, vʉvʉle vʉle wʉ jɨlaava wʉ ikilivuka.”