Popular Bible Verses from Yohana 19

Share

ɄYɨɨsʉ wʉ anotsanziitse ɨdivai ɨjyo, akatsova akata, “Ɨmbombo jyango jɨsilile!” Pwʉ akiinama ʉntwe, akaswa.

ɄYɨɨsʉ wʉ alʉmanyile ʉkʉta amalile ʉkʉjɨvomba ɨmbombo jya mwene, pwʉ akatsova akata, “Ndɨlɨ nɨ kyʉmɨlwa.” Aatsovile ewo pa kʉkwɨtsa tsilya itsyavɨgilwe mu Vʉvɨge ʉVʉvalatse.

ɄYɨɨsʉ wʉ ambwene ʉvanyina, ikange najyʉ nkongi ʉvɨ aanʼganile siitso ɨmile pawiipi nʉ vanyina, akata, “Gwe jyʉva, ndolage ʉjʉ. Ʉmbɨɨke ave mwana vaako.” Ikange akambʉʉla ʉnkongi ʉjwa akata, “Ndolage ʉjʉ. Ʉmbɨɨke ʉkʉva vɨ jyʉva vaako.” Pwʉ ʉkʉhʉma ʉnsɨkɨ ʉgwa ʉnkongi ʉjwa akambɨɨka vanyina, alɨkʉtaama nave mu vʉtsenge wa mwene.

Lɨno, wʉ valʉtile pa Yɨɨsʉ, vakavona amalile ʉkʉswa, pwʉ vakandeka kɨtsila kʉdeenya isilʉnde sya mwene. Napeene, ʉnsikali mpamato akammoma ʉYɨɨsʉ nʉ nʼgoha pa lʉvasu. Pwʉ baaho ʉnkisa na magasi sikahʉma.

Itsi tsyahʉmye ndavʉle pakʉta gakwɨlanile amamenyu galya ʉgwʉ gaavɨgilwe mu Vʉvɨge ʉVʉvalatse ʉkʉta, “Nalɨkʉli ɨlitsege lya mwene ɨlyʉ valadeenya.” Ikange ʉVʉvɨge ʉVʉvalatse wiita, “Valambona ʉvɨ vaammomile nʉ nʼgoha.”

Wʉ vihega, ʉYɨɨsʉ akapɨmba ɨkɨdamingʼanie kya kʉntovelela, akahʉma mu vʉtsenge, akalʉta apoonu apaatambʉlwagwa Liheela lya Ntwe, ɨlitaawa ɨlɨ mu nzovele jya Kɨebulaniya viita Goligota.

Wʉ vantovile, avasikali avo vakanienga ʉlʉdingʼulilo lwa mitwinyo nʉ kʉnswɨka pa ntwe, vakanswalɨtsa ɨkanzo jya kɨkʉlʉdeeva jya langi jya vʉvengi.